Nanghakot og awards

CEBU, Philippines - So, unsa may significance sa mga awarding sa MMFF sulod sa pila na ka tuig? Mokita gyod ang pelikula nga maayo kaayong pagka promote. Bisa'g dili mohakot og mga awards, basta mokita. Dili sala sa mga moviegoers, kun dili sila makakita sa mga pelikula, nga maayo gyod unta, ug dunay leksyong makat-unan ang mga moviegoers, kun wa sila masayod nga dunay mga entries, nga ingon niini. Tinuod, ang pelikulang 10,000 Hours ni Robin Padilla, nga maoy nanghakot sa mga awards, nabasahan ninyo dinhi sa Banat News, pero kausa or kaduha ra ninyo mabasahi, kana kun inyong nabasahan. Sa ako nang gikaingon, kun dili pa, kugihan sila si Sanden Anadia nga mag-research, dili gyod mo masayod nga dunay mga entries nga ingon niini. Kay kun dili pa lang sad popular kaayo si Robin, ambot magtagad ba sad kaha sila's Sanden sa pagsuwat kalabot sa maong pelikula.

Pero kun tinuod nga istorya sa kinabuhi ni Ping Lacson ang 10,000 Hours, nan para nako, dili angayang mahimong Best Picture, kay dili man original. Besides, believable ba? Okay ang ubang nadawat nga awards, kay dili ko expert sa ubang category. Unya duna say nag-ingong angayan kono nga ang Pedro Calungsod maoy ma-Best Picture. Yuna. Ngano man? Duna bay originality? Ang writer-director ba ang original gyod nga nasayod sa kinabuhi ni San Pedro Calungsod? Dili ba, si Monsignor Leyson may nag-research about sa kinabuhi ni San Pedro Calungsod, ug sa paghimo niini og pelikula nga gipasundayag didto sa Vatican, atol sa canonization ni San Pedro Calungsod, nga gikuyogan gyod nila ni Tatay Dodong ug Nanay Dianne Lim Chua, ang sinuwat man ni Debbie Sta. Cruz, ubos sa direksyon ni Dante Luzon? Kay mao man to ang istorya nga gi-research ni Monsignor Leyson? Anyway, frustrated si E. R. Ejercito. Kay dili si KC Concepcion ang napiling Best Actress kun dili si Maricel Soriano. Pero unsa may gipakita ni Maricel sa movie ni Vice Ganda, nga siya may napili? Dili ko makatubag niana, Ryan Mark, Sanden Anadia, Roger Serna,  Troy Ciar ug  Vanessa Balbuena!