CEBU, Philippines - Tataw na kaayo ang pag-level up sa status ni Alden Richards sa showbiz ug padayon gihapon nga misidlak ang iyang karera sa showbiz.
Unang nailhan ang pangalan ni Alden sa pantaserye sa GMA-7 nga Alakdana ug gisundan dayon kini sa My Beloved, ug One True Love.
Nakaangkon na usab siya niadto og mga nominasyon sa PMPC Star Awards ug Golden Screen Awards gumikan sa iyang karakter sa psychological horror film nga The Road.
Dili pud makalimot kaniya ang mga tawo gumikan sa tam-is niya nga pahiyom ug nahimo usab niya nga asset ang iyang kandiis.