Maganda ang pasok ng Bagong Taon kay MaÂrian Rivera dahil may bago itong teleserye, ang Carmela, katambal si Alden Richards sa GMA 7.
Ayon sa magandang aktres, pinaghahandaan na nito ang bagong karakter dahil sa pagiging complex ng personality nito.
‘‘Challenging role ang gagampanan ko at tiyak na matutuwa ang aking fans dahil isa ito sa pinakamahirap na drama na gagawin ko. Nagpapasalamat ako sa GMA 7 dahil sa pagbibigay nila sa akin ng maÂgandang proyektong ito,’’ sabi ni Marian.
Ang direktor ng Carmela ay si Dominic Zapata at sinabi nitong hahangaan sina Marian at Alden sa kanilang karakter. “Bagong role ito para kay MaÂrian! Parehong talented sina Alden at Marian at bagay sila at natitiyak kong gagawin nilang lahat ang makakaya para reyalistiko nilang mailarawan ang karakter,’’ ayon pa sa direktor.
Magpi-premiere ang Carmela sa Jan. 27 sa GMA Telebabad.
Pero hindi lang sa pagiging maganda o pagiging seksi kinikilala si Marian kundi gayundin sa kanyang pagiging mapagkawanggawa. Lumutang ang pagmamahal nito sa kapwa at kapuspalad kaya memorable sa kanya ang 2013.
Isa ang aktres sa tumanggap ng Gintong Palad Public Service Award mula sa Movie Writers Welfare Foundation dahil sa pagmamahal at pagmalasakit sa kapwa sa pakikipagtulungan sa Kapuso Foundation. Tumanggap din ito ng award mula sa iba’t ibang sektor dahil sa kawanggawa gaya ng ukay-ukay project nito kasama ang nobyong si Dingdong Dantes at Bayanihan Kapuso Foundation.
Isa sa kanyang baby ngayon ang Kapuso Adopt a Bangka Project na makakatulong sa mga mangingisÂdang naging biktima ng bagyong Yolanda para mabigÂyan sila ng hanapbuhay.