Juday hindi alam kung hanggang kailan tatagal sa showbiz

Kahit malayo na ang narating ay mayroon daw isang bagay na pinagsisisihan ang Young Superstar na si Judy Ann Santos. Ito ay ang hindi niya pagtatapos ng kolehiyo dahil na rin sa kanyang pagiging artista.

“Ang pananaw ko kasi before puwede naman ako mag-college kahit anong edad ko. Kaya ako nag-take ng culinary kasi gusto ko magkaroon ako ng certificate o degree in something. Hindi lang pag-aartista ang dapat alam ko pagtanda ko,” paliwanag ni Judy Ann.

Ngayon ay 35 years old na ang aktres at namama­yagpag pa rin ang showbiz career nito. Patok na patok ang kanyang programa tuwing Sabado ng gabi na Bet On Your Baby pero hindi raw alam ni Juday kung hanggang kalian siya mananatili sa industriya.

“Alam mo hindi ko alam kasi, hindi ko alam kung hanggang kalian ako tatanggapin ng mga tao,” giit niya.

Pops naghihintay ng True love, matanda o bata willing pumatol

Marami nang nabago sa personal na buhay ni Pops Fernandez mula nang magkahiwalay sila ni Martin Nievera noong 2000. Natatawa raw si Pops sa tuwing may magtatanong sa kanya kung posible pa ba silang magkabalikan ng dating asawa.

“When I do think about it because siyempre marami pa rin kaming followers, you would always hear, ‘Sana magkabalikan pa rin kayo ni Martin.’ I ask him, ‘You think if we ever get back together again,’ kasi iba na ako eh. Hindi na ako like before,” bungad ni Pops.

“Before kasi I had little opinion but I was afraid to say it. I wasn’t as confident as I am now. I think baka ma-shock na si Martin na it’s going to be a totally different girl. I think he sees it, sobrang different Pops na.”

Kahit hindi na magkasama sa iisang bubong sina Martin at Pops ay nananatili naman daw ang kanilang magandang pakikitungo sa isa’t isa dahil na rin sa dalawang anak na sina Robin at Ram. “Martin and I are friends. First of all, we have Robin and Ram. I’m sure they were very affected when we got separated. We are really friends from the beginning. It’s not like we are super close friends and we are always in touch with each other. Some people have the wrong notion. As a matter of fact, we only get in touch when it’s about the kids,” kuwento ni Pops.

Samantala, umaasa pa rin ang singer-actress na muli siyang makatatagpo ng lala­king magmamahal sa kanya. Wala raw problema kung mas matanda o mas bata sa kanya ang lalaki.

“I’m a sucker for true love, falling in love. I still have that hope that I walk and I bump into someone and baka siya na ’yun. For me whether they are older than me, same age as me, or a little bit younger than me, if you’re going to get hurt, you are going to get hurt. I think it’s just a matter of finding someone who can stand up for me, accept me for who I am. Siyempre I have my own life already. I have two grown up men with me,” pagtatapos ni Pops. Reports from JAMES C. CANTOS