Rocco kay Lovi lang nakatutok

PIK : Mga bagong leaders ang maglalaban sa apat na team na magpi-perform sa Sunday All Stars ngayong araw.

Ilu-launch na rin nila ang binuong MTV ng Kapuso artists, ang Bangon Kaibigan na likha ni Janno Gibbs.

PAK : Halatang irita si Yassi Pressman kay Andrea Torres na pinagbibintangang dahilan ng break-up nila ni Sef Cadayonan.

Hinihingan namin ito ng mensahe para kay Andrea, hindi ito nagsalita. Basta okay naman daw sila ni Andrea, sabi nito.

Sabi pa ni Yassi, cool off lang daw sila ni Sef, taliwas sa sinabi ng huli na break na nga raw sila, pero hindi raw si Andrea ang dahilan.

May isa pang babae na dahilan daw ng hiwalayan nina Yassi at Sef, pero nameless din kaya ‘di namin babanggitin kung sino ito.

BOOM : Iniiwasan ni Rocco Nacino na sagutin ang tanong namin kung bakit naka-holding hands sila ni Lovi Poe sa isang litrato na ipinost nito sa kanyang Instagram.

Sabi lang niya lalong lumalim daw ang samahan nila ni Lovi at lalong naging mahalaga raw si Lovi sa kanya. Natutuwa pa siyang pumayag daw itong maka-date niya sa awards night ng Metro Manila Film Festival sa December 27.

Hiningan namin ang aktor ng reaksyon sa pagkaka-link naman ni Cesar Montano kay Soleen Heussaff na kasamahan nila sa Akin Pa RIn ang Bukas, sagot nito: “Hindi ko naman alam kasi mata ko lagi lang kay Lovi.”