PIK: Nilinaw ng production staff ng Akin Pa Rin ang Bukas na walang katotohanan ang intrigang inili-link si Cesar Montano kay Solenn Heussaff.
Marami kasi ang nakapansin sa closeness nila at minsang umalis silang dalawa sa set na magkasabay ding bumalik.
Sabi ng ilang nakakausap namin sa serye, bumili lang daw sila ni Cesar ng kape pero may kasama naman ang actress-singer dahil hindi naman siya umaalis na walang kasama.
Sweet naman daw ang aktor hindi lang kay Solenn kundi sa lahat na kasama niya sa kanilang drama series.
May boyfriend nga naman si Solenn at masaya sa kanyang love life kaya malabo na magkamabutihan sila ni Cesar.
PAK: Nagulat kami na ang dami palang nagkakainteres at type ligawan si Andrea Torres.
Si Mark Herras ang unang na-link sa Kapuso actress pero hindi yata tinuloy ni Mark ang panliligaw dahil nali-link ngayon ang young actress kay Sef Cadayona.
Ang latest nga na hindi pa naman nila nakumpirma, sina Sef at Andrea na raw ngayon dahil nakipag-break na si Yassi Pressman kay Sef.
BOOM: Inggit si Christian Bautista kay Justin Bieber nang nabalitaan niyang dumating ang international pop sensation para dalawin ang mga nasalanta ng bagyong Yolanda sa Tacloban City, Leyte.
Sabi ni Christian kahapon sa renewal of contract ng ini-endorse niyang Ink-All-You Can: “I feel bad na naunahan pa niya ako pumunta run. I feel great na nandun siya ngayon giving inspiration sa ating mga kababayan. Gusto ko ngang sumunod at gusto ko siyang gayahin.â€
Isa si Christian sa active sa pagsali sa mga fund-raising event para sa mga Yolanda victim. Pero gusto rin niyang personal na makapunta sa mga lugar na nasalanta ng bagyo para makadaupang palad daw niya ang mga kababayan nating nangangailangan ng tulong.