Paboritong front act ng mga international singer makikipag-tsikahan kay Edu

MANILA, Philippines - Paskung-pasko na talaga sa episode ng What’s Up, Doods? mamaya, 10 p.m., sa TV5.

Makakasama at makakatulong ng batikang TV host-actor na si Edu Manzano sa pagpapalaganap ng saya’t ngiti ang batam-batang si Fitri Cerado, na maghahandog ng isang Christmas song.

Ise-share rin ni Fitri ang sariling karanasan sa pagtulong sa less fortunate children sa pamamagitan ng kanyang God-given talent.

Makikisaya rin ngayong gabi ang tinaguriang “big man” ng music na si Arthur Manuntag, na magpapakita ng kanyang world-class talent at aawit ng  What A Wonderful World sa tono’t boses ng siyam na artists.

Magkukuwento rin si Arthur kay Edu ng experience niya bilang paboritong front act ng mga sikat na international celebrity gaya nina Dionne Warwick at Marilyn McCoo.

Si Luke Mejares naman ang kukumpleto sa maagang Pamaskong episode ng patok na patok nga­yong late-night comedy talk.

Bukod sa pagse-share ng istorya sa likod ng muli nilang pagkikita ng amang matagal na nawalay sa kanya, ibabahagi rin ni Luke ang saya at ligaya ng kanyang pagiging ama.

Magbibigay din ito ng soulful rendition ng isang favorite Christmas carol.

’Yan at marami pang ibang pakulo ang naghihintay sa avid viewers ng pinag-uusapang What’s Up, Doods? ngayong gabi, alas-diyes, sa pinalakas na We Can Do It Better primetime block ng Kapatid network.