CEBU, Philippines - Nagsakit pud ang dughan sa international crooner nga si David Pomeranz sa dihang nasayran niya ang pait nga sitwasyon sa mga Pinoy nga nabiktima sa bagyong Yolanda.
Nasayran nga tipik sa kita sa concert niya kagabii didto sa Resorts World Manila iyahang itabang sa mga biktima sa bagyo. Mogama usab siya og kanta nga iyahang ipahinungod sa mga biktima sa maong kalamidad.
Kahinumduman nga taud-taud na ang plano niya nga konsyerto didto sa Tacloban niadtong Nobiyembre 23 busa dako ang iyang kakugang sa nahitabo sa maong dapit ug nakanselar kini gumikan sa wala damha nga pag-abot sa bagyo.
Modalit usab og awit si Pomeranz sa 2013 Ms. Earth pageant night karong December 7. Giingong ikaunom na kini nga higayon nga mibisita ang singer dinhi sa nasud.
Ang 62 anyos nga singer maoy nagpasikat sa mga awit nga Born For You, “Got to Believe in Magic,†“If You Walked Away,†“King and Queen of Hearts,†“On This Day†ug uban pa.
X-Factor USA Ellona pasok sa Top 6
Magpadayon pa ang pagtungas sa hagdanan paingon sa kalampusan sa Filipina-American singer nga si Ellona Santiago sa The X Factor USA.
Kini human nakasulod ang dalaga sa Top 6 sa maong reality singing competition atol sa elimination kagahapon.
Mga positibong mensahe ang nadawat ni Ellona gikan sa hurado nga si Simon Cowell sa dihang giawit niya ang “Mama Knows Best.â€
Sa iyang Twitter account, nagpasalamat si Ellona sa tanang nisuportar ug nibotar kaniya aron makasulod siya sa next round sa The X Factor USA. (Sanden J. Anadia)