OFW na artistahin nakapatay nang tangkang pagsamantalahan

MANILA, Philippines - Maputi, makinis, at artistahin. Mga katangiang ipagmamalaki ng isang lalake sa Pilipinas. Ngunit para sa isang OFW na nagtatrabaho sa Middle East, ito ay mga katangiang magpapahamak pa sa ‘yo.

Ngayong Sabado, abangan si Alden Richards sa isang mapangahas na pagtatanghal bilang Dondon Lanusa, isang lalakeng ipinaglaban ang kanyang karapatan at nakulong dahil sa kanyang paninindigan na wala siyang kasalanan.

Si Dondon Lanusa ay isang OFW na nakapatay ng isang Middle-Eastern citizen nang magtangka itong pagsamantalahan siya.

Paano nalampasan ni Dondon ang ganitong pagsubok? At paano siya nakabalik sa Pilipinas?

Itinatampok din sina Jestoni Alarcon, Ryan Eigenmann, Marc Abaya, at John Feir.

Mula sa direksIyon ni Adolf Alix, Jr., sa panulat ni Rona Lean Sales at sa pananaliksik ni Loi Argel Nova, alamin ang kuwento ni Dondon ngayong Sabado ng gabi sa Magpakailanman – Kawalan ng Karapatan: the Dondon Lanusa Story pagkatapos ng Vampire ang Daddy Ko sa GMA7.