CEBU, Philippines - Before anything else lang gihapon ta, Loy Jurado. Happy birthday una sa akong kauban sa CCTN Channel 47, nga gikauban nako sa bag-o lang nahumang TV series titled, Si Bugoy ug Ang Kiat Nga Angel, si Rodel Marc Languido, ang manghod sa leading man as Bugoy, Roniel nga nag-birthday pod atong Novemeber 3. Sama ni Roniel, dancer pod si Rodel ug sama ni Roniel, dili pod mawad-an og project o mga shows si Rodel. Kay kun dunay show si Roniel, kuyog man gyod si Rodel, kay sila may kanunay’ng magpares sa sayaw, ug sa mga comical skits. Kun dunay shooting si Roniel, apil pud si Rodel, kay ingon ana man na. Ang mga tawo nga gustong mokuha og show ni Roniel, ipadala man ang iyang manghod nga si Rodel, kun makita si Rodel sa telebisyon. Hinungdan nga kun mahimo, kun dunay TV series nga himuon si Roniel, mohangyo siyang paapilon si Rodel o kun dunay shooting si Rodel, mohangyo pod siyang paapilon si Roniel. Total sila ra mang duha si Roniel ug Rodel ang magsuon, wa may lain, ug in demand pa man gyod silang duha. Gani, duna silang duha karo’y gihimo alang sa Dear Tatay. Sakop man sila sa Oasis of Love, mao nga wa gyo’y problema kun bisan asa sila maapil. Pero dili pud hinuon kini buot ipasabot, nga kun dili ka sakop sa Oasis of Love, dili ka makaapil sa mga projects sa CCTN, Channel 47. Si Wilnard Banzon bitaw, dili pa man to siya sakop sa Oasis of Love sa pagsugod niya’g apil sa Tres Metros. Wa gyod hinuon magdugay, nasulod dayon siya, ug karon, labaw pang in demand isip camera man o director ug kanunay nang kuyog ni Tatay Dodong Lim Chua sa mga out of town outreach seminar. Dili pa lang gani dugay, si Wilnard ang gikuyog ni Bro. Duwen, ang head sa accounting department, sa pag-adto nila sa Tacloban, aron mang-apod apod og mga relief goods, ug pagpanguha’g mga footages didto alang sa nagkalain-laing katuyoan.