Marian pinalitan si Solenn sa Ginebra!

Bukas, Wednesday, ang presscon/launching ni Marian Ri­vera bilang 2014 Ginebra San Miguel Ca­lendar Girl. Ayaw pa sanang ipaalam ng kampo ng aktres ang tungkol dito at sa presscon na lang sana, kaya lang ang invitation sa presscon ay nakalagay kung para saan. Hahaha!

  Si Solenn Heussaff ang 2012 Ginebra San Miguel Ca­lendar Girl at natatandaan namin, super sexy ang pictorial nito. Sabi naman ng kampo ni Marian, sexy din ang pictorial ng aktres at makikita namin bukas.

Si Marian din ang muse ng Ginebra sa Philippine Basketball Association (PBA) na magbubukas sa Nov. 17, rarampa siya kasama ang Ginebra Team.

Sa Monday, Nov. 18, naka-schedule ang first day taping ni Marian ng bago niyang soap sa GMA 7 to be directed by Dominic Zapata at head writer si Suzette Doctolero. Isa si Alden Richards sa makakapareha ni Marian at sabi mismo ng aktres, may isa pa siyang leading man. Sa January ang airing ng wala pang title na soap na sabi ni Suzette, pangalan ng babae ang magiging title.

Kaya pala magkasama sina Marian at Alden sa trade event ng GMA Network sa Davao last week, pagpapakilala na pala ’yun sa pagsasamahan nilang soap.

Kris naka-schedule na ang blessing sa bagong bahay kahit ’di pa tapos

Hindi pa pala tapos ang shooting ng Metro Manila Film Festival (MMFF) entry na My Little Bossings dahil sa schedule ni Kris Aquino ay nakalagay na may shooting siya o si Bimby nang nasabing pelikula sa Friday at Sunday.

This week din naka-schedule ang blessing ng bagong bahay ni Kris pero hindi pa gawa ang kanyang bahay. Inuna lang ang blessing dahil suwerte raw ang napiling date ng TV host-actress sa blessing at sinunod ang feng shui.

Hindi sa Ayala, Alabang sa Muntinlupa City nakabili ng lote si Kris, sa isang mas malapit na subdivision na malapit sa bahay ng kanyang mga kapatid.  

Tom walang ipinakita sa underwear endorsement

Lumabas na ang Bench underwear billboard ni Tom Rodriguez na sa presscon ng Gaydar ay ikinukuwento pa lang niya. Kumpara sa ibang Bench underwear endorsers, medyo tamed ang pictorial ng aktor. Hindi lang kami sure kung may iba at sexier pictorial pa siyang ilalabas.

Pero kahit safe, marami pa rin ang kinilig na makita si Tom in an underwear endorsement. Ang pinanghihinayangan ng fans, hindi sila magkasama ni Dennis Trillo sa Bench underwear dahil Hanford ang ini-endorse ng huli at puma­yag na rin itong mag-pictorial na naka-underwear.

 Anyway, last Sunday ang last sa first leg ng mall show nina Tom at Dennis to promote their TomDen album. Sa December na uli ang mall show nila after ng My Husband’s Lover US tour. 

Samantala, “beautiful cast” ang tawag ng press sa cast ng Gaydar na kinabibilangan nina Tom, Rafael Rosell, at Pauleen Luna dahil talaga namang pleasing to the moviegoers’ eyes sila. Mahihirapang pumili kina Tom at Rafael kung sino ang gugustuhin nilang makapareha ni Pauleen. Sa Nov. 13 ang showing ng movie sa direction ng low-profile na si Alvin Yapan.

Miriam aasikasuhin muna ang marriage counseling

Nakita namin si Miriam Quiambao sa taping ng One Day Isang Araw dahil siya ang gaganap na mother ni Marc Justine Alvarez. “Sana” ang sagot nito sa tanong namin kung next year na sila ikakasal ng fiancé niyang si Ardy Roberto na isang author at businessman. Nabanggit kasi niyang a-attend pa sila ng marriage counseling na isa sa mga kaila­ngang gawin ng mga ikakasal.

Walang kontrata sa alinmang network si Miriam kaya libre siyang tumanggap ng show sa mga network. Ang nami-miss niya ay ang pagho-host at wish nitong mabigyan uli ng chance na mag-host.

Anyway, mahusay na aktor ang child star na si Marc. Siguradong hindi nahirapan sa kanya si Mi­riam sa kanilang mga eksena.