Bigtime

CEBU, Philippines - Grade one siya niadtong una siya nga nakakat-on pagkanta, diin “Pasko Sa Usa Ka Binilanggo” ang labing una niyang giawit. Apan matud pa niya, hangtud karon, dili pa siya kumbinsido nga maanindot siya og tingog: “Kahibawo lang ko nga dili ko yabag.”

Amahan ngadto sa tulo ka mga anak nga sila si Julie Rebecca 12, Rommel Tuico Jr. 10, ug Amelia Beatrice 8, 13 ka tuig na siyang minyo. Suma pa niya, buotan siya nga pagka bana ug amahan. “For affirmation, ask my wife Aimee…. Hehehe,”

“Wait” ang unang kanta nga iyang nasuwat kaniadtong 17-anyos pa lamang siya ug nalakip matud pa kini sa labing unang album sa iyang banda kaniadto, ang “Stagecrew” ug gi-produce sa Star Records. Babaye ang inspirasyon niya sa maong awit.

Pagkakaron, mukapin na ngadto sa 50 ka mga awit ang iyahang nasuwat—English, Tagalog, Bisaya.  “Ang akong pinakapaborito sa tanan nga akong nasuwat kay ang pinaka latest nakong single karon gisige na’g tukar sa radio…Eleksiyon Rapsodi.. You should check it out!,” nagkanayon si Rommel dinhi sa Banat News Hugyaw (BNH)

BNH: Unsay follow-up nimo sa “Dili Tanan”? Unsay mensahe niining maong kanta?

Rommel: Naglibog pa ko unsay ako isunod sa Dili Tanan. Naa koy duha nga gipilian…. “Bisyo, Gasto ug Okra (fullband version)”. Ako sang timbangtimbangon…. Social commentaries gyapon mga kantaha….

BNH: Nganong nawagtang ka og kalit sa local entertainment scene? Karon nga nahibalik ka na, dili ka na ba mahanaw pag-usab? Ngano man?

Rommel: Nawagtang ko sa makadiyot sa entertainment scene diri sa Cebu kay nilarga ko sakay sa barko as singer gyapon sa cruise ship, ug karon nga nabalik nako, akong paninguhaon nga dili na jud ko mawala pag-usab.

BNH: Stagecrew ang katapusan nimong banda sa wala ka pa manimpalad sa halayo, unsay plano nimo karon: solo o magbanda gihapon? Ngano man?

Rommel: Sa pagkakaron, I prefer nga magsolo usa kay I’ve been in a band for 20 years. I wanna try something new, ug mao ni ako gibuhat ron… nagsolo.

BNH: Unsay imong tan-aw sa music industry sa Sugbo karon? Unsay kalainan niini sa inyong panahon kaniadto?

Rommel: Maayo ang dagan sa music industry diri sa Cebu karon para kanamong mga artist nga naghimo og mga kantang binisaya. Ngano? Tungod kay gihangop na pag-ayo sa mga Cebuano ang among mga bisayang kanta, ug dili lang sa Cebu kun dili tibuok Visayas ug Mindanao, and surprisingly ang Manila naghinay hinay na pud. Sa una, mas mo-prefer kitang mga Bisaya nga maminaw og Tagalog, English nga kanta, karon, lahi na.

BNH: Nganong opaw gyud ang imong istilo sa buhok? Aduna ba kini mensahe?

Rommel: Opaw na gyod ko wa na koy mahimo... Hahaha. Ang mensahi ani, dawat na lang sa way pagkusmod.

BNH: How would you like to be remembered?

Rommel: I wanna be remembered as one of the great Cebuano singers and composers. Though lisod kaayo na maachieve, sige lang libre man ang mangandoy.

FAST FACTS

Name: Rommel T. Tuico

Birthday: December 5, 1975

Birthplace: Medellin, Cebu

College degree: Graduate, Bachelor of Science in Customs Administration, University of Cebu

Principle In Life: Life is beautiful. So, live your life the way you want it.

Previous bands: Stagecrew and Kenosis Band

Paspasay

1. Coffee or tea? Coffee

2. Boxer or brief? Brief

3. Novelty or rock? Novelty

4. Liquor or beer? Depende sa kondisyon sa tiyan…

5. Polo or long sleeves? Depende sa okasyon

6. Day or night? Day

7. Composing or Singing? Love to do both… I can do both

8. TV or dvd? No time to watch

9. Boxing or basketball? Basketball

10. Fame or Fortune? Pwede kining duha? (BANAT NEWS)