CEBU, Philippines - Nakaangkon og higayon nga magkaatubang sila si 2012 Miss Universe Olivia Culpo ug ang pambato sa Pilipinas sa Miss Universe karong tuiga nga si Ariella "Ara" Arida.
Nahitabo kini atol sa gihimong auction nga tipik sa pre-pageant activities sa 62nd Miss Universe didto sa Russia.
Sa iyang Instagram , ang 21-anyos nga si Olivia maoy nag-post mismo sa iyang hulagway kung diin tupad niya si Ariella ug duna kini caption nga, "The gorgeous Miss Philippines".
Gi-repost ni Ariella ang maong post ni Olivia ug duna kini mensahe nga ,"I'm so happy seeing this. Thank you to the sweet, nice and very gorgeous Ms. Olivia!."
Himoon ang Miss Universe pageant sa Crocus City Mall didto sa Russia karon November 10 kung diin 87 ka mga kandidata ang magtigi niini.
Gawas kang Ariella, giingong tulo ka mga kandidata sa maong indigay ang dunay dugong Pinoy , kini sama nila ni Riza Santos sa Canada, Alexis Scott sa Guam, ug Ruth Jennifer Ondo Mouchita sa Western African state sa Gabon.