SEEN: Dumalo sa press preview kahapon ng Status: It’s Complicated sa Globe Platinum Cinema ng Gateway Mall sa Cubao, Quezon City sina Eugene Domingo at Solenn Heussaff.
Showing sa mga sinehan sa Nov. 6 ang Status: It’s Complicated.
SCENE: Remake ang Status: It’s Complicated ng Salawahan, ang 1979 movie ng Regal Films na mula sa direksiyon ng National Artist na si Ishmael Bernal.
Ang mga bida sa Salawahan sina Miss Rita Gomez, Jay Ilagan, Mat Ranillo III, Sandy Andolong, at Rio Locsin.
SEEN: Si Miss World 2013 Megan Young ang cover girl ng November issue ng Cosmopolitan Philippines.
Kung hindi pa naging international beauty titlist si Megan, hindi niya matitikman ang unang Cosmopolitan cover.
SCENE: Natuloy ang paglipad kahapon ni Sen. Jinggoy Estrada sa Amerika. Hindi siya nagkaroon ng problema sa immigration. Kasama ni Sen. Jinggoy ang misis na si Precy na ipapa-check up sa isang US hospital ang bukol sa dibdib.
SEEN: Si Ryan Agoncillo ang host ng Picture! Picture! ang bagong game show ng GMA 7.
Original concept ng GMA 7 ang Picture! Picture!
SCENE: Sa Nov. 27 ang playdate ng Call Center Girl, ang Star Cinema movie na tinatampukan ni Pokwang.
SEEN: Ang report ng Box Office Mojo International sa mga pelikula na ipinalabas sa mga sinehan sa Pilipinas noong Oct. 16 hanggang Oct. 20.
Nanguna sa takilya ang She’s the One ng Star Cinema.