Way nakatambag ni Shaina?

CEBU, Philippines - Before anything else gihapon, Loy Jurado. Ayaw’g kalimot nga karon ang adlaw sa mga minatay. Mga minatay, dili kay usa ra ka patay.

 Busa, kun mag-ampo ka’g para’s mga minatay, ayaw na la’g adto’s menteryo. Kay dili puwede’g usa ra ka minteryo ang imong adtuon. Kay adlaw man ron sa tanang mga minatay. Unfair man, kun ang imo rang minatay maoy imong iampo. So, kay sa kinatsila baya, Todos Los Santos. Sa iningles, All Souls Day, ug sa binisaya, Adlaw sa mga Minatay. Klaro gyod na, Adlaw sa Mga Minatay.  Tanang kalag nga tua pa sa purgatory, imong iampo, klarex? Ug kun seguro kang ang imong paryente nga namatay tua na gyo’s langit, ayaw na’g iampo.  Maayo pa hinuon, makigsulti ka na lang niya, klarex? Maayo pa hinuon og ang mga buhi maoy imong iampo. Iampo nimo nga matarong sila kanunay sa dalan nga ilang gisubay.

Maayo pa’g ang mga nangamatay sa linog ug ang mga biktima sa trahedyang nahitabo sa Lawis-Ledge maoy imong iampo.

 Kay sila maoy tinuod gyong nagkinahanglan sa atong mga pag-ampo. Mora’g selfish kaayo ka, kun ang imo rang minatay maoy imong iampo, bisa’g napulo na ka tuig tong namatay. Syaro’g wa pa gyod to malangit, no? Hai may maayo’g kining mga artistang wa pa gyod maliksyon, maoy atong iampo. Duna man pod na sila’y mga kalag.  Mga kalag god sa mga buhi maoy atong iampo, kanang wa pa gyod maliksyon. Sama ni Shaina Magdayao. Wa pa gyod ni siya maliksyon. Pila na ka relasyon niya nga wa mosalir. Wa gyo’y nakatambag ani niya? Si Ate Vina niya, wa makatambag? Tuod. Si KC Concepcion, wa makatambag niya? Wa makasulti niya’g unsay apan ni Piolo Pascual? Something must be wrong with Piolo. Kay utro sad ni siyang wa pa gyo’y relasyong misalir. Unsa to’y title sa movie nilang Toni Gonzaga, Sanden? (BANAT NEWS)