Dennis: Matagal pa akong papasok sa relasyon at sa hindi taga-showbiz!

Nag-tweet si Dennis Trillo na ikina-react ng iba niyang followers. Heto ang tweet niya: “Sobrang saya maging single! Kaya ‘wag niyo na akong intrigahin pa kung kani-kanino. Peace! NKKLK (Nakakaloka).” Si­nundan ito ng “Tigilan na po sana ang mga maling balita. Matagal pa ako papasok sa isang relasyon ulit at malamang ay hindi na ito taga-showbiz.”  Para kaya sa press ang panawagang ito ng aktor? Hahaha!

 Ilang araw ding nagbakasyon si Dennis, nag-sur­fing ito sa Baler, Quezon kaya tan ito. Pero kailangan na niyang bumalik dahil sunud-sunod na uli ang sche­dule, kabilang ang presscon/media launch ng TomDen album nila ni Tom Rodriguez.

Naka-schedule rin silang mag-shoot ng music video ni Tom ng carrier single nilang Forever at babalik sila sa ABS-CBN para mag-taping sa MYX Channel dahil sila ang MYX Celebrity VJs for the whole month of December.

Tuloy din ang mall show ng dalawa to promote pa rin ng TomDen album at sa November 3, nasa SM Marilao sila at Nov. 10, sa The District Ayala sa Imus, Cavite.

Sa Nov. 5, premiere ng Sapi movie nina Dennis, Baron Geisler at Meryll Soriano at Nov. 6 ang showing. Sa Nov. 13 naman ang showing ng Gaydar na kasama si Tom, kaya busy pa rin ang schedule ng mag-Beh!

Baka may magreklamong TomDen fans dahil gina­mit na theme song ng Korean drama na 100 Year Le­gacy ang song na Ikaw ang Sagot ni Tom from the album. Gagamitin ding theme song ang song ni Dennis.

Sa Nov. 20, alis sila para sa MHL Tour at December 10 na ang balik.

Samantala, napanood namin ang trailer ng Sapi at natakot kami, pero gusto pa rin naming mapanood ang buong pelikula. Eleven days ito ginawa ni Direk Brillante Mendoza at actual na mga sinapian ang kanyang kinunan.

Ryan program contract lang ang pipirmahan sa siyete

Mukhang matutuloy na ang pagpirma ng kontrata ni Ryan Agoncillo sa GMA Network dahil may bagong schedule ng kanyang contract signing. After Undas daw ang bagong schedule ng contract signing na sana matuloy  na talaga.

Ang sabi, program contract muna ang pipirmahan ni Ryan at susunod na ang network contract.

Bago pa pumirma ng kontrata, may dry run na si Ryan sa iho-host niyang Picture! Picture! this Wednesday na si Rico Gutierrez ang director.

Ngayong araw din ang pictorial niya for the show na hindi rin natuloy sa first schedule. Today din naka-schedule ang shoot nito ng Christmas Station ID.

Mikael hindi leading man ni Kylie

Hindi naman siguro madi-disappoint si Mikael Daez na hindi pala siya, kundi si Geoff Eigenmann ang main leading man ni Kylie Padilla sa Adarna. Nang ma-interview ang actor-TV host, wala pang napipiling third at tunay na kapareha ni Kylie at nagpa-audition pa.

Noong isang araw, lumabas ang balitang si Geoff na ang leading man ni Kylie at sina  Mikael at Benjamin Alves ang dalawa pang kapareha ni Kylie.

Sa rami ng shows ni Mikael, hindi na siya dapat ma-disappoint ‘di ba? Nasa Unang Hirit at Bubble Gang pa siya at may sariling segment sa Saksi, ang Midnight Snack na inaabangan ng viewers.