Aljur maingat na maingat sa relasyon kay Kylie
Nagulat ako nang umapir si Edgar Mangahas sa presscon ng Come and Get Me, ang concert ni Aljur Abrenica sa Music Museum sa Nov. 7. Nasagot ang curiosity ko nang sabihin sa akin na si Papa Edgar ang producer ng concert ni Aljur.
Walang ipinagbago ang itsura ni Papa Edgar. Bagets-looking pa rin siya. Parang na-discover niya ang fountain of youth.
At para maging masuwerte ang concert na ipo-produce niya, hinarbatan ko si Papa Edgar dahil sinusuwerte ang mga tao na hinaharbatan ko.
Hindi ako nagdalawang-salita sa generous concert producer. Pumasok siya sa banyo at nang lumaÂbas, give agad siya ng kanyang souvenir.
Pero namamasyal yata si Carmi Martin sa Timog area sa Quezon City noong Huwebes dahil nakarma ako. Na-lost in space ang souvenir ni Papa Edgar. Inilagay ko lang siya sa aking LV bag, biglang naglaho na parang bula. Sad na sad ako dahil sa mahiwagang pagkawala ng ibinigay ni Papa Edgar. Kailan kaya uli kami magkikita?
Samantala, mas open si Kylie Padilla sa pagkukuwento tungkol sa love life nila ni Aljur dahil maingat at matipid ang pagsasalita ng aktor. Nagsalita na si Kylie na audience lang siya sa concert ni Aljur, as in wala siyang partisipasyon.
Special guest sa Come and Get Me si Kris Bernal. Tiyak na susuportahan ng fans nina Kris at Aljur ang concert. Siguro naman, magiging behaved ang supporters ng dalawa. Wala silang gagawin para hiyain si Kylie. Tanggapin na nila ang katotohanan na hanggang sa mga teleserye lang ang love team nina Kris at Aljur dahil sa tunay na buhay, si Kylie ang minamahal ni Aljur at ganoon din si Kris na girlfriend ni Carl Guevara.
Naniwala na ako na talented talaga si Aljur dahil nagbigay siya ng sample sa gagawin niya sa kanyang concert.
Dalawang beses na kumanta ang Kapuso actor at siya rin ang tumugtog ng gitara. Hindi madali ang maggitara dahil kailangan talagang may passion ka sa music. Nakabibilib si Aljur dahil may boses na siya, magaling sumayaw, at marunong pa na gumamit ng musical instruments. May karapatan nga siya na magdaos ng concert sa Music Museum.
Sarah marunong pumili ng concert date
Bakit nga ba ang dami-daming concert? Mauuna ang concert ni Aljur sa Music Museum sa Nov. 7, susunod ang concert ni Sarah Geronimo sa Nov. 15 sa Smart Araneta Coliseum, at ito rin ang venue ng repeat ng 30th anniversary concert ni Martin Nievera. May concert din sa susunod na buwan si Enrique Gil.
’Yung concert ni Sarah, may repeat agad sa Nov. 30 sa Mall of Asia Arena kesehodang hindi pa nangyayari ang show niya sa Smart Araneta Coliseum sa Nov. 15. Perfect ang dates ng mga concert ni Sarah dahil araw ng suweldo. May pambili ng tickets ang loyal fans na palaging pinaghahandaan ang kanyang once-a-year concert.
House Speaker Sonny kinaiinggitan sa kiss sa Miss World!
Hindi na maabot si House Speaker Sonny Belmonte dahil pinag-uusapan ang picture nila ni Miss World Megan Young na kuha nang bumisita ito sa Kongreso.
Kinaiinggitan si Papa Sonny dahil sa kiss niya sa pinakamagandang babae sa buong mundo. May mga naiinggit kay Papa Sonny kaya binibigyan nila ng ibang kahulugan ang harmless beso niya kay Megan.
- Latest
