Mga Yadz! Dunay duha ka tawo nga moabot ron. Sila si Manuel Du ug Manny Ngil. Welcome kaayo nako si Manuel Du. Pero kana’s Manny Ngil, ako ra gyod nang likay likayan, tago tagoan. Ang dili ra gyod nako malikayan, kanang mga taga MCWD ug mga taga VECO, kay bisa’g unsaon nako’g tago- tago, matultolan gyod ko. So, ako na lang gyo’y moadto nila. Sa petsa 15, adtuon nakong mga taga VECO [dili ba, Riza Coloyan?]. Sa katapusan sa buwan, ang mga taga MCWD na sad. Dili gyod na madungan, mga yadzz. Dili madaa’s lawas sa usa ka tawo nga nagsaka na’s hagdan paingon sa edad nga makalilinga [age of adolescence or- Alzheimer’s disease?], age 78. Kamo ba’y magpadulong nianang edara, lalim ba. Nagplano na gani ko nga magsugod na ko’g pakli sa mga nawatas watas nakong kagahapon, sa dili pa ko ma-Alzheimer’s disease. So, paabota. Hapit na jud. But for a while, motambong na ta’g mga parties, mokao’g ginagmay. Like atong pagtikang nilang Carlo Aquino ug Jessica Connely dinhi last October 5, courtesy of maam Rosemarie Gaisano [para sa ilang current promo], nag-dinner una mi’s D WALK atong October 4 sa gabii. Lami ang mga pagkaon, pero basta gabii na, sabaw na lang gyod intawon ang ma-take sa usa ka senior citizen. Pero dili man ang pagkaon ang importante. Ang importante, nga magkita mi pag-usab ni Jessica ug Carlo Aquino. Giganahan man god kong Jessica pagsulod niya’s PBB, kay nalingaw man sad kaayo niya ang iyang mga housemates. Giganahan sad ko niya sa PARAISO with Jessy Mendiola and Mateo Guidicelli. Pero last na lang gyod kono to. Dili una siya’g teleserye, kay mag-concentrate siya’s iyang singing career nga maoy 1st love niya. Sa birthday ni Angelie Doll Diada Relatado atong Sunday pod, October 6, nikaon ko’g lechon, bam-I, salad ug cake. Kay udto man ang kaon. Okay ra pod diay sila’s Dingards ug Buddy kun way kalderitas,basta dunay Alejos Lechon. Ako pod, basta Alejos or CNT, okay ra sad ko, bisa’g way kalderitas. Hasta man sad diay’s Cypress Pilas Relatado, okay ra pod. Tuod, CORRECTION: Dili na kono diay property Custodian si Buddy sa Gothong, Principal na’s Pardo Night High School, ingo’s Jake Ontina. Thank you, Jake