Continuation of last Tuesday’s issue: Human mangaon ang tanang mga anak ni anhing Danny Relatado, Sr., [ug mga kapikas sa kinabuhi], ug uban pang mga relatives nga nanambong, iyahay na’g pwesto sa ilang gustong apilan. Didto sa no smoking area sila’s Danding ug Jake kay nanginom pa ma’g hard drinks, ug ang uban, didto magtutok sa TV set aron manganta. Siempre, ang kanunay’ng mobanat sa pagkanta, sila’s Rowena, Annabelle, Lizel [wife ni Danding], Danzel Mark, Dennis Dale Rodman, Ruth [wife ni Buddy ug Ravi-anak nilang Buddy ug Ruth], ug Casandra, samtang sila si Andrew Shift ug Angel [mga anak nilang Danding ug Lizel] nangadto’s kwarto aron matulog. Pag-abot sa pila ka minutos ug pila ka kanta, dili na motingog ang microphone, bisa’g giunsa’g ayo ni Casandra [wa say laing technician]. Busa wa sila’y laing mahimo kun dili, manan-aw na lang sa The Buzz. Makalingaw kaayo ang portion diin, guest nila ni Boy Abunda ug Charlene Gonzales sila si Ai Ai de las Alas ug Marian Rivera, nga siempre, nag-promote sa ilang movie nga nag-ulohan og, Kung Fu Divas. Nagkauyon gyod ang tanan, nga mamalhin na gyod sila si Marian Rivera ug Dingdong Dantes sa ABS. Kay may umaabot ra bang pelikula si Dingdong ug Bea Alonso kauban ang gwapong Sugboanon nga si Enrique Gil. Nag-ulohan kini og She Is The One, ug gikatakda na gani kining isalida karong Octobre 16 [sa ato pa sa sunod semana na?]. Dili kono mahitabo nga way gikasabotan sila si Dingdong, Marian ug management sa ABS. Apan para nako, daghan na gyod kaayong artista nga pulos gani mga maayo kaayo ang ABS, nganong hilabtan pa man gyod sila si Marian ug Dingdong? Nga maayo man ang pagkabutang nila sa GMA? Gawas lang kun sama ni Angel Locsin kaniadto nga miingon, “Hindi na ako happy doon…â€