CEBU, Philippines - Dako ang pagtuo sa kampo ni Claudine Barretto nga suportado sa iyang igsuon nga si Gretchen Barretto ang pagpasaka og kasong pagpangawat batok kaniya nga gisang-at sa kanhi niya personal assistant.
“Nababaliw na yata siya,†mensahe pa ni Claudine ngadto ni Greta.
Niduso na ang aktres sa miaging adlaw sa iyang counter-affidavit aron tubagon ang akusasyon sa iyang kanhi personal assistant nga si Dessa Cadelario Patilan, 19, didto sa Makati Regional Trial Court.
Kahinumduman nga gireklamo ni Dessa sa korte ang iyang kanhi amo niadtong September 11, gumikan matud pa gikuha ni Claudine ang iyang mga gamit ug salapi nga nagkantidad og P13,550.
Suma pa ni Claudine nga iyaha gyud nga atubangon ang iyang kanhi P.A. ug dili siya mahadlok sa pagtubag.
Nasagmuyo ang aktres gumikan kay tataw nga matud pa nga gigamit ni Gretchen ang kanhi niya P.A. sa nagpadayon nila nga panagbangi.
Una nang gihimakak ni Claudine ang pasangil ni Greta nga matud pa nga tigamitan siya og ginadiling drugas.