Kristal

Hain ang kalderitas?

CEBU, Philippines - Dili gyod mahitabo nga way kalderitas kun dunay saulogong okasyon ang mga anak ni anhing Danny Espinosa Relatado. Busa niadtong  Septyembre 29, sa pagsaulog nila sa death anniversary ni anhing Danny, gikan sa South Memorial Garden sa Upper Mojon, sa dakbayan sa Talisay, nanglahos sila sa balay nilang Johnny ug Inday Filma [nee Relatado] Uselton sa VELPAL] sa Minglanilla aron adto mangaon. Kay adto man didto ang hikay diin, tua didto magpuyo sila si Jake ug Rowena [nee Relatado] Ontina ug anak nga si Casandra. Sila’y nagpuyo sa maong balay, kay tua man sila si Inday ug Johnny sa Tennessee,USA. Gidungan na lang pod ang birthday nilang Maryloy [now,Mrs. Marylou Relatado Blevins ug tua na pod magpuyo sa Alabama ug nagpadala na lang og igong kantidad alang sa kasaulogan], Nilo Espinosa, ug Annabelle Ricaplaza Montecalvo. Sila si Jake ug Annabelle maoy gipaluto sa mga pagkaon] Busa, pag-abot  na ngadto sa menteryo, gibutang dayon sa talad kan-anan ang mga pagkaon. Gi-bless na lang ang tanang matang sa mga pagkaon, labi na ang inasal, turbo, bam-I [for long life siempre], ug uban pa aron sugdan ang kaon, wa gyo’y nakitang kalderitas ang ilang kamagwangang si Buddy Relatado [ang property custodian sa GoThong High School] kay siya man gyod ug si FO3 Danny Relatado, Jr., maoy gusto gyod og kalderitas, busa nangutana kini. “Hain ang kalderitas?” Nagdunga’g tubag sila’s Annabelle ug Jake, wa ma’y Kalderitas.

“Ngano man?” Nangutana si Danny Relatado, Jr. “Wa na gyo’y kanding pagpangompra nako, Ding… sorry gyod kaayo…. ,”mitubag si Annabelle.