MANILA, Philippines - Isa sa mga pinakamagandang mukha sa showbiz ay mapapanood sa top music channel ng bansa ngayong Oktubre, sa pagho-host ng TV actress na si Carla Abellana bilang MYX Celebrity VJ ngayong buwan.
Samahan si Carla sa kanyang paghahatid ng Your Choice, Your Music sa kanyang unang pagbisita sa channel sa programang Pop MYX na siniÂmulan noong Sabado (Oct. 5). Inihatid din ni Carla ang mga paboritong music video ng bansa sa Mellow MYX mula Oktubre 6 hanggang 12, My MYX mula Oktubre 13 hanggang 19, MYX Versions mula Oktubre 20 hanggang 26, Club MYX mula Oktubre 25 hanggang 30, at Pinoy MYX mula Oktubre 27 hanggang 31.
Huwag palampasin ang pagho-host ni Carla sa numero unong music channel, na mapapanood sa UHF sa pamamagitan ng Studio 23 tuwing umaÂga at madaling-araw at sa SkyCable, ang MYX ay napapanood ng 24 oras sa free channel na Channel 23.
Para sa karagdagag impormasyon, mag-log on sa myxph.com.