6:15 am Na!

Happy Sunday Morning mga Sweet KaButanding! Mga maayong balita ang akong ipaambit kaninyo gumikan sa daghang mga rason.   Unsaon gyud? Korek! Twenty-five na lang magselebrar na pud ko sa akong adlaw natawhan, kadali sa dagan sa panahon ang importante mga SweetKabutanding kuyog lang gihapon kita sa mga BisChika nga wala dire ug wala didto. Mao nga hinayhinaya na og putos ang inyong regalo para nako ha? Pero ang inyong suporta nga gihatag kanako dili kini kabayran bisan pila ka salapi. Priceless!

Sa Let’s Fiesta featuring southern Cebu, ayaw ninyo sipyata karung alas otso sa buntag kay inyong masaksihan ang kanindot sa lalawigan sa Sugbo kay gisuroy ni John Feir ang mga lungsod sa south sama sa Argao diin iyang gibisita ang Balay sa Agta , ang pagluto sa lamian kaayo nga Torta,   Taloot River with matching cruise lang ang peg namo. Fresh nga mga seafood among gihabhab pagkalami na man lang gyud! Pagkasunod adlaw kay mas hugyaw ang among shooting kay si John Feir gikuyugan na sa iyang travel buddy nga si Bianca King. Medyo nalangan ang among shooting kay ang gisakyan nga service van ni Bianca kay na flat ang ligid padung sa Oslob, pero its worth it— ang whale watching, halos dili makatoo si John ug Bianca sa ilang nakita nga mga Butanding, nihapit kami sa makasaysayanon nga   Boljoon Church unya didto dayon mi naniudto sa lungsod sa Alcoy. Mao nga ayaw kini sipyata mga Ka SweetKabutanding kay naa koy special appearance. Hahahahaha! Makaingon gyud ka nga “ It’s more Fun In the Philippines”

Ug sugod ugma mas It’s more fun in BuenaManoBalita kay mas sayo nami ninyo makauban: 6:15 na sa buntag!   Sayo na nato saw-an ang mga lab-as nga Balita ug Impormasyon, mga Makalingaw nga segment ug labaw sa tanan ang mga makaHugyaw nga among ipaambit alang lang gyud kaninyo. Tungod kay unom na ka tuig ang BuenaMano Balita adunay dakong promo nga nagpadayon, mao kini ang pagtubag sa pangutana o Question of the Day basin ikaw ang palarang makadawat sa premyo nga   Android Tablet. Sayon ra kaayo ang pag-apil tubaga lang ang Question of the Day, pagkahuman e type ang answer (space) complete name (space) address (space), unya ipadala ang inyong tubag sa BMB hotline no. 0921 657 3671. Busa Tubag na mga Kapuso!!!

Mapasalamaton kaayo mi sa inyong dakong suporta sa BuenaMano Balita kay kung dili tungod ninyo dili namo makab-ot ang unom ka tuig. Kamo ang hinungdan sa kalampusan sa programa ug laumi ninyo nga sa mga mulabay pang mga adlaw mas among doblehon ang among kakugi. Salamat sa inyong mga opinyon, comments ug mga suggestions kay kini mao ang among sumbanan para mas mapalambo ang inyong morning show sa kabuntagon.   Buntag na! BuenaMano Balita na!