CEBU, Philippines - Dili na gyud mabangbang ang YouTube sensation nga si Cheridel Alejandrino kinsa nailhan usab isip “Elevator Girl†gumikan kay siya ang special guest sa programa nila ni Sharon Cuneta ug Ogie Alcasid nga The Mega and The Songwriter ugma sa gabii sa TV5. Nasayran nga istorya sa kinabuhi ni Cheridel maoy gi-feature sa MMK sa ABS-CBN kagabii.
Julie Anne ug Mark magpares
Suwayan ang chemistry nila ni Julie Anne San Jose ug Mark Herras pinaagi sa episode karong adlawa sa programang Maynila sa GMA-7. Mapasalamaton si Julie Anne gumikan kay nagpusot-pusot karon ang iyang mga proyekto ug usa na niini ang bag-ohay lang nagsugod nga serye, ang Kahit Nasaan Ka Man.
Jojo mobalik sa pag-arte
Gikatahong mobalik na sa pag-arte ang TV host nga si Jojo Alejar human nanamilit ang programa niya nga The Medyo Late Night Show with Jojo A sa TV5. Giingong wala na mo-renew ang co-producer sa maong show. Nagsugod ang maong show sa kahanginan niadtong June 1, 2009.
Cesar mi-surrender na
Gibutyag ni Cesar Montano nga wala pa gyud mahupas ang iyang paghigugma ngadto kang Sunshine Cruz apan gidawat na niya ang kamatuoran nga dili na gyud sila magkabalik niini. Suma pa sa aktor nga gibuhat na niya ang tanang paagi aron lang gyud sila magkauli ni Sunshine apan wala kini mosaler. (Sanden J. Anadia)