Rez Cortez naging sexy star na kinalokohan ng maraming babae bago nakilalang goon!

MANILA, Philippines - Marami ngayon ang nakakikilala kay Rez Cortez bilang isang kontrabida, isang goon. Pero marami ang hindi nakakaalam na dati ay naging isang sexy star din ang actor—at kinalokohan ito ng maraming babae. Pero hindi ng asawa niyang si Candy.

Ngayong Sabado, ilalahad ng mag-asawang Rez at Candy Cortez ang kuwento ng kanilang pag-iibigan. Ikukuwento nila ang mga pagsubok na pinagdaanan nila bilang mag-asawa lalo na’t isang artista si Rez na umaarte sa mga maseselang eksena noon. Pag-uusapan din nila ang tungkol sa mga pag-aaway at kakaibang panunuyo, at kung kailan masasabing hindi na kayang tumanggap pa ng pusong nasasaktan.

Love and faith conquers all ngayong Sabado ng gabi sa Magpakailanman pagkatapos ng Vampire ang Daddy Ko sa GMA7.