Ellen DeGeneres inalok ang magpinsang sumikat sa YouTube na sumubok mag-stay sa Amerika; Aiza naasiwa sa ka-macho-han ni Charice

SEEN: Bumalik na sa bansa sina Aldrich Lloyd Talonding at James Bucong pagkatapos ng successful guesting nila sa show ni Ellen DeGeneres.

Pinag-aaralan ng magpinsan ang alok sa kanila ni Ellen na manatili ng anim na buwan sa Amerika para sa ibang mga TV appearance.

SCENE: Mabilis na na-acquire ni Aldrich Talonding ang American accent sa sandaling pamamalagi niya sa Amerika.

SEEN: Ang plano ng asawa ni Wally Bayola na magpainterbyu upang ipakita ang suporta sa komedyante na nasangkot sa video scandal.

SCENE: Parang asiwa si Aiza Seguerra sa guesting nila ni Charice sa The Buzz noong Linggo. May duda na hindi komportable si Aiza sa pa-mhin effect ni Charice.

SEEN: Kulang na kulang ang suporta ng mga Pilipino sa mga pelikula na kasali sa Sineng Pambansa: All Masters Edition.

Kahapon ang huling araw ng Sineng Pambansa sa SM Mall cinemas.

SCENE: The Noise of the Philippines ang biro ni Martin Nievera kay Anne Curtis. Hindi itinatago ni Martin ang sobrang pagkagiliw niya kay Anne.

SEEN: Private plane ang sinakyan ng American singer na si Tony Bennett nang dumating siya sa Pilipinas noong Lunes.

Kagabi ang concert ni Tony sa PICC Plenary Hall sa Pasay City.

SCENE: Waging-wagi sa audience ang spoof ni Jon Santos sa pork barrel scam suspect na si Janet Napoles.

“Janet Not Flawless” ang pangalan ni Jon sa spoof niya kay Napoles.