Serye malaki na ang lugi sa aktres na sumpungin, uuwi ’pag gusto kahit hindi pa tapos ang trabaho
PIK: Diretso ang sagot ni Ruru Madrid na si Wynwyn Marquez ang type niyang ligawan sa tatlong babaeng kasama niya sa Dormitoryo.
Bukod kay Wyn, kasama rin ni Ruru rito sina Lauren Young at Joyce Ching kaya pinapili namin sa kanya kung kanino sa tatlo siya na-attract agad, at si Wyn nga ang gusto niya.
“Si Lauren kasi parang kapatid lang ang tingin niya sa ‘yo. Si Wyn, ang ganda niya, ang sexy niya, pero may boyfriend na yata siya eh,†sabi ng young star.
Hindi naman niya puwedeng pormahan si Joyce dahil alam naman ng lahat na meron itong Kristoffer Martin.
Pero sabi naman ni Wyn, ganun lang daw talaga si Ruru, napakakulit.
Sa Sept. 22 na magsisimula ang Dormitoryo pagkatapos ng Sunday All Stars.
PAK: Totoo bang nag-a-adjust ang production staff sa mood ni kilalang aktres kung tuloy o hindi ang taping nila?
Minsan nga ay nagpa-pack up sila kahit hindi pa tapos dahil masama na raw ang pakiramdam ni kilalang aktres.
Malaki ang nasasayang na pera sa programa ni kilalang aktres dahil maraÂming artistang involved at may hinahabol na sila na airing.
Pero wala silang magagawa kung gusto ni kilalang aktres na umuwi na dahil may sakit na nga raw.
BOOM: As of presstime, naghihintay pa rin ang Startalk kung matutuloy ang exclusive interview nila kay Raymart Santiago.
Nag-aalangan na kasi ang aktor na magsalita dahil napagsabihan na pala sila ng judge tungkol sa pagpapa-interview nila sa media. Pero gustung-gusto na niya sanang magsalita para sagutin ang ilang mga ibinibintang sa kanya ni Claudine Barretto.
Nung huling hearing ng kasong Permanent Protection Order kamakailan, mahigpit na pinagsabihan sila ng judge na huwag nang magpa-interview at kailangang sundin na nila ang gag order.
Pati nga raw si Atty. Ferdie Topacio ay napagsabihan na rin kaya maingat sila sa kanilang mga sagot nang harangin ito ng mga reporter sa labas ng korte.
Pero si Raymart ay nahihirapan na sa mga nangyayari dahil sobrang nami-miss na niya ang kanyang mga anak.
- Latest
