PIK : Standout Awards ang mapapanood sa Sunday All Stars ngayong araw.
Sa pagpasok nito sa second season, paparangalan ang mga nag-standout sa mga performance ng apat na team na Tropang Trending, Ligang iLike, Tweethearts at Instagang.
May bonggang production number din sina Regine Velasquez at Marian Rivera.
PAK : Naaliw kami sa kuwento ng isang kaibigan tungkol sa kilalang male celebrity na present sa lahat na sosyalan.
Kamakailan lang ay dumalo ito sa launch ng isang sosyal na event ng real estate na kung saan nag-present sila sa mga invited guests ng magandang condo unit.
Siyempre, nandun ang model ng isang condo unit na kumpletung-kumpleto ng gamit na parang puwede nang tirhan.
Tsikahan nang tsikahan, hanggang sa nalasing na si kilalang male celebrity. Biglang nakaramdam ito nang naiihi na siya, naghanap ito ng magandang comfort room. May nakita rin siya finally, kaya dun na siya umihi.
Nagulat si male celebrity nang napansin nitong tumatagas ang ihi nito sa bowl na inihian niya.
Huli na lang niya napansin na iyun pala ang mock-up ng condo unit na hindi pa naman nakakabit sa drainage o kumbaga, hindi pa talaga buong condo unit iyun dahil model unit lang nga.
Nataranta ngayon si male celeb sa paghanap ng tissue na ipampunas, pero bandang huli ay nangamoy na loob ng mock-up na iyun at iniiwasan na ng mga invited guests dahil mapanghi na ang naturang lugar.
BOOM : Hindi na itinuloy ang presscon ni Vic Sotto para sa pagbabalik ng Who Wants to Be a Millionaire sa TV5.
Malamang na iniiwasan na lang ni Bossing Vic na mahingan siya ng komento tungkol sa pinagdaanan ngayon ni Wally Bayola matapos itong maugnay sa sex video scandal.
Totoo kayang napagalitan daw ni Bossing Vic si Wally nang pumutok itong iskandalong ito?
Ewan ko kung magsasalita pa si Bossing Vic tungkol dito.