CEBU, Philippines - Giangkon matud pa sa mga kadagkuan sa TAPE Inc., ang tagdumala sa Eat Bulaga ug The Ryzza Mae Show nga aduna silay kalapasan nga nahimo kabahin sa duha ka mga episodes diin nalapas ang dignidad sa child wonder nga si Ryzza Mae Dizon.
Suma pa sa Movie and Television Review and Classification Board giangkon sa GMA Network ug sa TAPE nga nasayup sila sa mga episodes nga nakontrobersyal kabahin sa nahiaguman ni Ryzza Mae. Kahinumduman nga gi-summon sa MTRCB ang mga nagdumala sa Eat Bulaga ug Ryzza Mae Show gumikan kay may usa ka episode matud pa sa noontime show diin gibugwakan og juice sa usa sa mga hosts ang nawong ni Ryzza. Samtang sa show mismo sa maong bata, nabastos pud siya sa iyang guest nga mitawag niya og “malandi kang bata ka.â€
Gibutyag sa MTRCB Ad Hoc Committee nga makig-alayon matud pa ang TAPE Inc ug GMA Network sa ilang buhatan sulod sa tulo ka buwan aron masiguro nga “child-friendly†ang tanang mga eksena nga maglambigit kang Ryzza Mae.
"Of great concern is determining who will deal with Ryzza Mae in her scenes and how, such that her dignity and well-being as a child are not violated. The above-said producer and network asked to be given until 09 September 2013 within which to submit concrete and time-bound remedial measures, with adequate review and feedback mechanism, for the approval of the Ad Hoc Committee,†tipik sa pamahayag sa MTRCB.
Mitambong sa maong panagtagbo adtong Huwebes sila si TAPE, Inc. President & CEO Antonio P. Tuviera and SVP -COO Malou Choa-Fagar, ug gikan sa GMA Network, VP-Program Management Jose Mari Abacan ug Legal Counsel Jose Vener Ibarra." Didto pud si Dr. Vanessa Cainghug gikan sa Philippine Psychiatric Association (PPA) nga nagsilbing resource person.
Gipasalamatan pud sa MTRCB ang TAPE ug GMA Network sa ilang pagsanong.