P4

Salamat sa mga nangita ug nihangyo nga ibalik ang okRYAn every now and then, nga ipuli-puli lang sila sa MARKado. Sa mga wala mahimuot nga nibalik ni siya, tagai na lang og chance.Hahahaha…pakkk!

Let me talk about honesty. Onse ko ka tuig nga nagpuyo sa Duljo-Fatima, so kada agi nako sa  Sawang Calero kada adlaw, makabasa gyud ko anang The Four Way Test nga naa diha sa kural sa cockpit.  Pero sa kadugay na nako nga wala mapadpad anang dapita, ang ako na lamang mahinumduman kay kini na lang: Be honest even if others are not. Puwes, sa daghang katuigan mao gyud nay nasilsil sa akong alimpatakan ug kanunay nga mulanog sa akong panumduman sa higayon nga mabutang ko sa sitwasyon nga kinahanglan nako nga magmatinud-anon.

Adtong August 23,  padung sa Tabor Hills sa Barangay San Jose, I was faced with a similar situation. Kahibawo ko nga gikan diri sa Banat News, sa Jakosalem Street, padung sa Talamban gym, P12 ang plete diha. Pwes, mihatag ko og P20 dayon ingon nga balig usa ray kuhaon, gikan sa Colon padung sa Talamban. Wala tingali kadungog ang driver kay gisuklian ko niya og P12. Medyo istrikto ang driver busa naghunahuna ko nga dili na lang mutingog kabahin sa sukli aron makabawos ko in a way. Pero milanog gyud ang, Be honest even if others are not. Busa akong giuli ang P4 dungan sa pag-ingon nga sobra ang sukli.

Gamay ra ang P4 kun buot hunahunaon, apan nagtuo gayud ako nga sa ginagmay magsugod ang tanan. Kun dili ka kasaligan sa ginagmay nga responsibilidad, labaw na nga dili ka kasaligan sa dinagko. Ug kun kawatan ug bentahoso ka, ang tanan magsugod sa ginagmay. Labaw sa tanan, kumbinsido gyud ko nga bisan walay nakakita, ang Ginoo nga nagtan-aw kanato gikan sa langit dili gayud mamilok. Mao bitaw na nga may mga panahon nga dili niya ihatag ang imong gipangayo o hatagan ka og mas labaw pa sa imong gipangayo  gumikan kay ang Ginoo nga nagbantay ug nagtan-aw kanato sa kanunay nasayud unsay haom ug makaayo kanato.

My dear okRYANians niining panahon nato karon, diin ang atong nasud gikuso-kuso og labihan na ka bug-at sa isyu sa pangurakot o pagpangawkaw, hinaot unta nga hunahunaon nato nga bisan walay tawo sa palibot aduna gayuy nagtan-aw kanato sa tanang panahon hinungdan nga angayang magmatinud-anon kita sa atong mga buhat. Tungason pa kaayo ka na, dili ka makapaabot nga tanang tawo niining kalibutan magmatinud-anon ug mahadlukon sa Ginoo, apan ayaw pagpakawala sa paglaum dear okRYANians gumikan kay walay imposibli sa pag-ampo ug sa hugot nga pagtuo. Let us all pray for the world and the people, because God is good all the time! Pakpak!

Hi sa mga staff sa Lokal boutique diha sa SM City ground floor nga sila si Joy, Lolita, Emelyn, Rosalie, Ariel ug Lory Ann, kay mubasa sila’g Banat News! Pakpak

 Magdungog gihapon kita pinaagi sa okRYAN sa dyRC—Radyo Calungsod 648kHz., 10am to 12noon—Mondays to Saturdays. Please pud ko og like sa akong FB pages ‘pag may time: Ryanmarkable (for inspiration), OkRyan Fever (for showbiz)and OkRyanians Forever (for anything about me). SALAMUCH!