“Bisrock” Nga Kawsa ni Kulas!

CEBU, Philippines - Gibandera ni DJ Kulas in the Morning ang 103.5 Wild FM gumikan kay sa unang higayon adunay DJ sa maong FM station nga nasulod sa Top 5 sa segment sa Banat News Hugyaw nga My Favorite DJ (MFD).

Mapasalamaton siya sa tanang mga tawo nga nisuporta kaniya sa ikaupat nga season sa MFD ug nalipay siya pag-ayo nga mismo ang mga kaubanan niya nga DJ sa Wild FM ang mitabang usab kaniya aron siya masulod sa Top 5.

Bisan sa kadaghan na nga DJ nga nisulbong karong panahona apan wala gyud makalimot kaniya ang katawhan.

Sama sa nangagi nga mga DJ nga nasulod sa Top 5 sa MFD, ang paghatag og kalingawan ngadto sa listeners maoy ikalipay ni Kulas.

Maporma na ang pahiyom sa iyang dagway sa higayon nga makadungog si Kulas og positibong feedback sa iyang radio program.

Matud pa niya nga sinugdanan pa lang,   daghan na gyud ang nisugilon kaniya nga kinahanglan nga bangunon ang musikang bisaya, ilabi na nga nidagsang na ang mga awit nga gikan sa laing nasud.

Nagkanayon si Kulas nga duna gayud hinuo'y balanse  nga pamaagi sa  pagdalit og klase sa musika ug mao kini ang gibuhat sa Wild FM, ug dakong garbo alang ka niya nga siya maoy  naghupot sa bisrock program.

Madungog si Kulas gikan sa Lunes hangtud sa Sabado  sa mga programang  "Wild Rock Binisaya" (4-6am) ug "Dear Kulas" (1-4pm). Samtang tibuOk buntag ug hapon siya nga madungog matag Domingo sa nagsagol-sagol nga klase sa musika.

Aminado si Kulas nga nakatabang pag-ayo kaniya ang mga tawo nga mahiligon sa biscrock  ilabi na nga taud-taud na kaayo kini nga namingaw, apan gumikan kaniya, nibalik ang katawhan sa pagkamahiligon og bisrock songs.

Suma pa ni Kulas nga importante kaayo nga makahibalo ang mga tawo nga muhangop sa kaugalingon natu nga pinulongan.

Gitahod hinuon niya ang ubang music lovers nga lahi pud ang tirada sa musika apan iyaha kining gidasig nga maminaw og bisrock songs.

Dugang pa ni Kulas nga nagbaha na karon ang bisrock songs, ug nagpasabot lang kini nga maayo usab ang mga Sugbuanon sa natad sa paggama og mga kanta.

Pipila sa mga sikat nga bisrock songs niadto naglangkob sa Sine-Sine, Principal, Liar Evil Ka, Lingin, Inday ug Ang Tigulang.

HUGYAWnatics Asked

Hugyawnatic: Nganong Kulas in The Morning man ang napilian nimo nga radio name? From  Hiede Reles of Carmen, Cebu

Kulas In The Morning:  About sa akung air name, my station manager nag-select ana, tapos nagsabot me na okey ba daw ko sa Kulas in the Morning. Unya ako gyud ang genuine na Kulas diri sa Cebu.

Hugyawnatic: Nganong mahiligon ka sa bisrock songs? From Fe Tina Amores of Tisa

Kulas In The Morning: Mahiligon man gud ko g mga novelty songs kay malingaw ko sa lyrics, mao sad nga grabe akong hilig sa bisrock. In short malingaw ko nga  pwede mabayran og salapi. Bisan kung naa ko sa sakyanan, kanang gikan ko sa amoa padung sa station, mag-bisrock ko or maminaw sa amo mismong station, sa 103.5 Wild FM.

Hugyawnatic: Giunsa nimo pagsulod sa Wild FM? From Emeroso Montello sa Mandaue City

Kulas In The Morning: Usa lang ko sa napilian sa among management, mao nga nasulod ko sa 103.5 Wild FM. I think mga 1997 ug naa ko until now. Apan pag- start nako diri sa Wild, dili pako on-air staff.

Hugyawnatic : Unsay imong obserbasyon karon sa bisrock songs, sikat pa ba? From Arcellie  Yllanan sa  Capitol Site,Cebu City

Kulas In The Morning: Yes of course! Grabe pa ka kusog labi na gyud kung magtinabangay tanang mga Bisrock bands & Bisrock clans. Kusog pani sa  Bagyong Ondoy! Joke! :).  So mga bisrockers, padayonon nato atong pagsuporta sa mga binisayang pinulungan ug sa binisayang musika!

Hugyawnatic: Sa wala pa ka nisulod sa Wild FM, nakatrabaho naka sa ubang station sauna? From Jerry Piralles sa Lapulapu City

Kulas In The Morning: Yes, pero dili ko sa on-air staff, lahi na department. Mga duha ka radio stations gyud nga mga high-end stations.

Hugyawnatic: Kinsa ang maisip nimo nga lig-ong ka-kompetensya nga DJ? From Diza Galleos sa Mandaue City

Kulas In The Morning: Para nako wala man tingali, kay dili man ko makigkompetensya nila.

Hugyawnatic: Kung sawayon imong tingog ,mounsa raman ka? From Malou Malar   sa Lahug ,Cebu City

Kulas In The Morning: Okey ra wala nay problema para nako. Hahaha! Apil naman na sa among package.

Hugyawnatic : Hello Kulas, idol gyud taka,  unsa imong buhatun diay kung  day off ka? From  Genie Ruperto sa Busay

Kulas In The Morning: Mangguna ko sa among gawas kay daghan kaayong sagbot, tabangi nya ko ha,hehe joke.  Bitaw,  naa ra gyud ko balay, bonding -bonding uban sa akong pamilya.  Malingaw na gyud ko og ing-ana.

Hugyawnatic: Unsa imong buhaton kung mapagaw ka? Mo duty gihapon ka? From Rina Jing S. sa  Barrio Luz

Kulas In The Morning: Yes mo -duty  lang gihapon, saon man apil mana sa among trabaho. Ug usahay dili gyud na matuyo ug mahitabo gyud na mapagaw mi labi na og kulang mi sa pahulay.

Fast Facts

Name: Rolando Du 

Nick name: Kulas InThe Morning

Age:  20 plus (secret)

Birth date: Everyday man ko mag birthday :)

Birth place: China

Religion: Roman Catholic

Hobby: Watching Formula 1 races

Favorite Colors: Red and Black

Favorite Food: Any food basta dili makahilo

Favorite TV Show: Eat Bulaga

Favorite Actor: Jason Statham

Favorite Actress: Catherine Zeta Jones

Favorite Singer: John Lennon

Favorite Cartoon character: Tom & Jerry (BANAT NEWS)