Happy Sunday Morning mga SweetKabutanding! Domingo na usab, usa ka Domingo nga puno sa mga BisChika ang giandam sa inyong Yur’s truly! Pero sa dili pa ang tanan manawagan ko sa mga nakakita sa Kirbir ni Gleven Silva-Tiuseco katapusan kining nakit-an sa usa ka mall. Siya lang ang nakahibalo nganong nawala si Kirbir, basin iyang nabiyaan sa dihang naa siya’y nakit-an nga kiks (lalake) mao nga ang pobreng si Kirbir gibitbit sa laing nilalang. Ang pangutana gimahal ba kini si Kirbir sa nakabitbit niini? Sigon pa ni Gleven nga “muhatag ko darhl og reward sa makakita “ Hugyaw ra! Ing-ana niya kamahal si Kirbir sama sa pagmahal niya ni Steven Silva, JC Tiuseco ug napuno sa iyang listahan si Dion Ignacio. Kung pila ang reward nga iyang ihatag sa nawala niya nga Kirbir, palihug ko og personal message niya sa Facebook, i-search lang Gleven Silva ang latest niya nga primary pic kauban si Dennis Trillo nga bitbit si Kirbir kay mao unta iyang paangkunon nga Papa ni Kirbir and infairness Gleven parehas mo og color sa shirt ni Dennis: best in yellow color mo. Sa Tacloban City nga show nato parehas sad mo og color sa t-shirt ni Rafael Rosell. Ikaw na gyud! You got the memo…. hahahahahha!
Sa laing bahin, Congratulations sa mga winners sa Ms. Esco 2013 niaging August 2, 2013 sa Englis V-Rama, usa lang ang akong masulti Hugyaw karong tuiga ang maong indigay sa gwapahay dili tungod ako ang nag-host, ug dili pud tungod banggiitan ang mga nagpaluyo niini, ang mga Gays Unlimited ug uban pa, kundili tungod sa panaghiusa sa maong grupo nahimo kining malampuson. Bisan duna man kini kakulian nga dili mapugngan sama sa pagbunok sa uwan all is well! Akong i-congratulate usab ang Abellana Dance Troupe kay naHugyaw ko sa ilang grupo. Manghinaut ko nga makasayaw sila sa among show unya puhon.
Pero kini ang mas nakapa Hugyaw nako ang BisChika sa usa nato ka BisChika Insider mahitungod sa hottest love team nga wala na ni bisan gamay nipahiyom sa ilang mga fans. BisChika sa atong KSI (Kinsa Siya Insider) planado na ang tanan para sa ilang ipahigayon nga show sa usa ka mall. Gani, apil na niini kung asa sila mo lafang. Unsa man pagkahitaboa nga naguba man ang maong plano? Kalit lang daw nitawag ang nagdala sa maong loveteam nga dunay kausaban sa plano kung asa sila mangaon, apan ang nahitabo last minute na kini ug maglisod na ang producer sa maong show. Ang ending, ang sikat nga loveteam pagtungtong sa entablado halos dili na kini mopahiyom sa mga fans nga nagpaabot nila! Unsaon nila pagpahiyom nga dugay sila nakakaon? Walay problema sa mga kausaban kay parte man kini sa atong kinabuhi ug kinabuhi sa production sa usa ka show pero kung wala nay oras murag dili na kini makiangayon labi na kung ang imong artista gakutoy na ang tiyan. Kinsa siyaaaaaa? Kinsa kining hottest loveteam karun nga halos ang mga pahiyom dili nimo makit-an sa ilang mga nawong sa pagtungtong sa stage? Ang lalake nanalantay sa mga ugat ang dugong showbiz, bisan asa imong makit-an, sa tv commercials, teleserye, sa print ad. Ang babaye nailhan gumikan kay ang una niyang teleserye dakong hit, mao ang ending niya kay nibalhin sa laing network. Kining hottest loveteam karun nakahimo na usab sila og pelikula ug mag loveteam usab sila sa umaabot nga teleserye.
Sa mga nangita og trabaho ang Metro Wear Sports City nangita og sewers. Ang unang buhaton kay magpa enroll usa kamo sa mga training centers sa mga LGU Partners sa maong kumpanya sama sa Lungsod sa Bogo, Medellin, DaanBantayan, Consolacion, Dalaguete, Talisay, Toledo, Ginatilan, Balamban, Barangay Pajo, Bankal ug Pusok sa Lapulapu para sa dugang detalye tawaga lang si Mr. Kim Francisco 0922 8168301.