Beauty contest gibalibaran ni Lauren
CEBU, Philippines - Gibutyag ni Lauren Young nga wala siya’y plano nga mosunod sa iyang maguwang nga si Megan kinsa mahiligon sa pag-apil og mga indigay sa kaanyag.
Nagkanayon ang aktres nga dunay mga tawo ang nitanyag kaniya nga mosalmot og mga beauty contest apan iyaha kining gipangbalibaran.
Matud pa ni Lauren nga naka-focus siya karon sa iyang showbiz career ug wala gyud siya mangandoy nga mahimong beauty queen.
Samtang malipayon ang aktres sa mga positibong feedback nga iyang nadawat gumikan sa maayo niya nga performance sa seryeng Mundo Mo’y Akin nga midala siya isip kontrabida.
Aminado hinoun ang aktres nga dili gyud malikayan nga duna pu’y mga tawo ang magsige og saway kaniya apan kever lang siya niini.
“Kung may mga taong hindi nila naa-appreciate ang work ko, bakit ko pa ipagpipilitan ang sarili ko sa mga taong may ayaw sa akin?. So, magpo-focus na lang ako sa mga taong gustong manood sa akin at sumubaybay sa akin kesa sa iiyak na lang ako forever,†nagkanayon si Lauren.
TV5 nakapuntos sa FIBA
Nagmaya ang TV 5 management gumikan kay nakatutok sa nahisgutang istasyon ang kasagaran nga mga Pinoy atol sa duwa sa Gilas Pilipinas sa FIBA Asia 2013 sa miaging adlaw. Base sa Mega Manila TV audience measurement (MEGATAM) overnight data sa Nielsen Media Research, nakaangkon ang TV5 og 33.1% nga audience share atol sa duwa sa Gilas Pilipinas batok sa South Korea niadtong Agosto 10. Sa maong oras, ang GMA-7 nakabaton og 30.1% ,samtang ang ABS-CBN nakaangkon og 24.3% .
- Latest
