CEBU, Philippines - Nagmaya pag-ayo ang mga Sugbuanon sa pagkasulod sa Cebuana Diva nga si Eva Santos sa programang The Voice of the Philippines sa ABS-CBN adtong Sabado sa battle round.
Nabaniog na ang pangalan ni Eva sukad pa niadto ug dili na usab mabangbang ang makabibihag niya nga tingog.
Masaligon si Eva nga mohatag og todo nga suporta ang kinatibuk-ang Visayas sa pagsalmot niya sa The Voice ubos sa Team Sarah.
Nasuwayan na niya ang pag-perform sa bisan asa nga nasud ug ang biritay nga pagkanta maoy usa sa atngan sa mga fans.
Gani niadtong 1992, mipauli siya nga naglukdo og garbo sa nasud human siya midaog sa Midnight Sun Song Festival didto sa Finland.
Ang 51-anyos nga si Eva malipayon nga inahan sa tulo ka malampuson niya nga mga anak ug mapinanggaon nga bana nga maoy iyang numero unong fan.
Nisalmot si Eva sa The Voice gumikan kay gusto niya nga mapadayon niya ang iyang music career ug makahatag usab og inspirasyon sa mga tawo nga dili babag ang edad sa pagpadayon sa iyang mga pangandoy.
Ang iyang mentor nga Pop Princess masaligon usab sa talent ni Eva. Gani namahayag kini og: "Mommy Eva, if si Lea may Radha, ako may Mommy Eva".
Si Radha kanhi bokalista sa banda nga “Kulay†ug dili usab mabintahaan ang talent.
Take 7
Banat News Hugyaw: Giunsa nimo pagsulod sa The Voice?
Eva: Nag-agi gyud ko og proseso. Sa first nga audition, each contestant was only given a minute to sing. I sang ‘Proud Mary’ in acapella. After a week, gitexan ko nga mobalik sa ABS-CBN Cebu alang sa daily elimination,hangtud nadala gyud ko.
Banat News Hugyaw: Pagkahibalo nimo nga moagi pa ka og daghang stage unsa imong gibati?
Eva: First time gyud tu nako nga experience nga deretso dayon ang result, sa final round sa Visayas, gikanta na pud nako ang “Proud Maryâ€. Naay usa ka judge ang naka-remember nako, kay niapil man ko sa una sa X-Factor. Gipakanta ko niya og ‘Let’s Stay Together. Kulba pud kaayo uy.
Banat News Hugyaw: Nganong paborito nimo ang Proud Mary?
Eva: Ganahan ko nga mosuway og song nga dili common, kay kasagaran man gud sa contest, dunay uban nga contenders kay magkapareha og kanta. So nakahuna-huna ko og Proud Mary.
Banat News Hugyaw: Nganong si Sarah imong gipili isip imong coach?
Eva: Grabe gyud tu kalisod nga desisyon, pag-una gyud, si Lea (Salonga) ang akong target, pero wala man siya motuyok sa iyang chair. Sila si Apl ug Sarah ra man ang nakauyon nako,hehehe . Mao tu, si Sarah gyud akong gipili, kay tan-aw nako, daghan ko og makat-on niya labi na nga active siya sa industry.Bisan pa man nga grabe kaayo ang gap sa among edad, nakita man gud nako nga daghan nan pud siya og experiences.
Banat News Hugyaw: Unsa imong ikasulti sa obserbasyon sa ubang viewers nga istrikta daw si Sarah, labi na kadtong pag-blind audition?
Eva: Na- misinterpret ra man gyud ang iyang lihok. Buotan gyud nang bataa, “Mommy Eva†gani ang itawag niya nako.
Banat News Hugyaw: Unsa imong nakat-onan sa pag-apil nimo sa The Voice?
Eva: Nakat-onan gyud nako nga kinahanglan nga kahibalo gyud ka mosabay sa bisan unsa nga genre. Dili ka puwede moreklamo kung unsa ang ipakanta sa imong coach.
Banat News Hugyaw: Unsa imong sekreto nga nindot man kay ka og tingog?
Eva: Ang akoa lang gyud, dili ko moinom og bugnaw, kinahanglan sad dunay saktong exercise. Style pud nako, kinahanglan mokaon ko daan sa dili ko mokanta, importante man gud dunay sulod ang imong tiyan. Komportable ko sa ing-ana nga pamaagi. (BANAT NEWS)