Mosuway sa showbiz

CEBU, Philippines - Unsa na, mga yadzz? Hala uy, no? Agosto na jud, Oscar Pagas! Sunod buwan, September na as in, ber months na gyod. So Oscar Pagas may katarungan ka na gyong maghisgot og pasko. Ngano man sad ni’s Oscar Pagas, Tiboy, Ado Mallari, maam Ellen Calo, maam Malou Cabahug, maam Dolly Avila, mam Josie Laurente, classmate Boning Losorata nga ganahan mang maghisgot og pasko? Tingali daghan ni siya’g racket inig-abot sa pasko, kay singer man siya, no?  Well, but anyway, duna ko’y gustong hisgotan, bahala na’g moiknat ang mga kilay nilang Marlon Wafer, Amy Undaloc ug uban pang mga talent handlers. Kini si Rex Evangelista, cousin sa ward kaniadto ni Marlon Wafer, unya napuntang Amy Undaloc ug karon, mora’g freelancer na, ug daghan nang naapilang TV series sama sa Tres Metros ug Dear Tatay. Ang last niyang TV series mao ang KALUHA isip kontrabida sa duha niya ka igsuong kaluha nga Rey ug Roy Tariman. Si Christian Tariman. Si Rex  anak sa igsuon sa inahan ni Christan. Sa ilang pagka estudyante sa Regino Night High School, sila gyong duha ang kanunay’ng magbangga sa pipila ka mga male beauty pageant [gwapo pero tinuod nga mga lalaki, sir JVJ]. Pero tungod lagi kay labaw pang shy si Rex kay kang Christian, ug may baby fats pa gyod si Rex, kanunay lang pod 1st runner up si Rex, bisa’g usahay, lupigon unta si Christian ni Rex sa kantahay. Sama ni Christian, si Rex physical therapist na pod, ug bag-o lang natapos ang iyang kontrata sa usa ka dakong ospital, ug karon, freelancer pa siya, busa kun dunay gustong mo-avail sa iyang serbisyo, ma-contact siya sa cell number 09229238084. Hinoon, duna siya’y walk-in part sa Si Bugoy Ug Ang Kiat Nga Angel, ug sa umaabot nga project ni Debbie Sta. Cruz nga Si Kapitan Pinili starring Jingjing Faelnar. Good luck, Rex!