CEBU, Philippines - KODAKI KO, KRISS, unya ibutang sa imong KRISTAL,†maoy gipamulong ni Congressman Bebot Abellanosa niadtong nagkita mi sa shooting didto’s CCR Car Display Center sa San Isidro, Talisay City diin, ang iyang ka-eksena mao sila si Talisay City Councilor Danny Caballero ug Bong Gemino.
Kining tulo ka tawo lang daan, malipong na ko sa casting sa among gihimo karong TV series alang sa INTV-CCTN, Channel 47 [kaatbang intawon sa Anna Liza sa ABS-CBN, sunod sa KATIKESTA pod ni Narra Cui-hinungdan nga magbalhin balhin gyod intawon ko’g channel niining orasa]. Siempre, kinsa may wa makaila nilang Congressman Bebot Abellanosa ug Councilor Danny Caballero? Ug kun mo-claim mong wa mo makaila ni Bong Gemino, siya kanang na’g-handle sa program nga Bahandi matag Sabado sa buntag, ug tag-iya ra intawon sa Eight Digital Pharmaceuticals diha sa Banawa, ug sa usa ka kan-anan diha sa Junquera ext. “Maayo kaayong tawo si Sir Abellanosa,Sir. Ug simple kaayo. Kun wa makaila niya, dili gyod ka mahibawong siya’y tag-iya sa Asian College of Technology.†Maoy sulti sa mga estudyante sa Asian College of Technology, sa hangtod karon nagtungha pa, ug hangtod na kadtong mga gradwado na. Dili pod malalis, nga si City Councilor Danny Caballero, maoy kanunay makita sa TV ug mabasa kanunay ang iyang ngalan sa mga pamantalaan. Kini tungod kay kadali ug sayon kaayo siyang duolon alang sa mga interview [isip sakop sa media, suhito ko], ug klaro kanunay ang iyang tubag sa mga pangutana.