CEBU, Philippines - Nagdumili matud pa mohatag og komento ang aktres nga si Neri Naig kalabot sa nikatap nga sex video nila sa iyang uyab nga bokalista sa Parokya ni Edgar nga si Chito Miranda.
Nitumaw ang mga taho kagahapon nga matud pa wala pa makalantaw si Neri sa maong video hinungdan nga napungot pag-ayo ang aktres kang Chito busa gipanglantawan nga magbuwag ang duha gumikan sa kauwaw nga ilang nahiaguman.
Una na nga gipadayag ni Chito nga gikawat sa wala mailhi nga tawo ang hard drive kung diin naka-save ang maong video.
Princess Snell na-link ni Hayden
Wala mahimuot si Princess Snell sa nigawas nga mga taho nga naglambigit sa iyang pangalan kang Hayden Kho.
Suma pa ni Princess nga naa na siya’y uyab busa imposible kaayo ang maong report.,
“I don’t really care about the issue kasi I think my family knows and my boyfriend knows and my friends know the real truth,†matud pa ni Princess.
Matud pa niya nga usa ka tuig kapin ang relasyon nila sa usa ka non-showbiz guy nga ginganlan og Mark.
Wala’y pili
Tsika pa ni Glaiza de Castro nga kanunay siya modawat og bisan unsa nga karakter aron usab nga iyang mapalapdan ang abilidad niya sa pag-arte.
Jonalyn pasok sa indie film
Unang higayon nga malantawan si Jonalyn Viray sa big screen pinaagi sa indie film nga “Cattleya, An OFW Storyâ€. Malakip usab niini si Glaiza de Castro ug ubos kini sa One World Production International Films.
Sitti mahadlok magpa-sexy
Bisan unsaon og pugos, dili gyud mosugot ang singer nga si Sitti Navarro nga mohimo og mga sexy pictorial gumikan kay mahadlok siya nga makadawat og mga pagsaway. Matud pa ni Sitti nga dili pa siya confident sa iyang body figure
Nikki nasuko og maayo
Gipapas na ni Nikki Gil ang phone number ni Billy Crawford sa iyang cellphone. Wala na sila’y angay nga istoryahan sa iyang ex-boyfriend.
Sen. Chiz mihimakak
Gihimakak ni Sen. Chiz Escudero ang report nga matud pa sekreto sila nga nagpakasal ni Heart Evangelista didto sa Tagaytay. Suma pa ni Chiz nga kontento na sila ni Heart sa ilang relasyon karon ug wala pa nila mahisguti ang maong butang. (Sanden J. Anadia)
Slapshock tabangan ni Aple.De.Ap
Banhawon ni Apl.De.Ap. ang banda nga Slapshock nga duha ka tuig na nga nipahuway sa pagama og music album.
Dili pa lang dugay, nipirma og recording contract ang maong grupo sa record label ni Apl.De.Ap nga Jeepney Music.
Nasayran nga 16 ka tuig na ang Slapshock nga nailhan dinhi sa Pilipinas nga hari sa rap metal.
Target usab karon ni Apl.De.Ap nga i-promote ang Slapshock sa ubang nasud aron padayon nga mailhan ang awit sa mga Pinoy sa bisan asa nga dapit sa kalibutan.