50 Richest Filipinos: Tag-iya sa ABS-CBN, GMA-7, TV5 Nalakip
CEBU, Philippines - Nalakip sa listahan sa Forbes magazine’s 50 Richest People dinhi sa Pilipinas ang mga kadagkuan sa GMA-7 nga sila si Atty. Felipe Gozon (no 41), Gualberto Duavit (no 37), ug Menardo Jimenez (no 38), karong tuiga.
Ang tag-iya pud sa TV5 nga si Manny V. Pangilinan maoy ika-50 sa maong listahan samtang ang uyuan ni ABS-CBN Chairman Eugenio Lopez III nga si Oscar Lopez nahimutang sa ika-22 nga pwesto. Ang patriarch nga si Oscar Lopez maoy chairman emeritus sa Lopez Holdings kansang negosyo naglakip sa broadcasting ug cable, telecom ug power. Suma pa sa Forbes mitaas ang ranking sa nahisgutang Lopez sanglit lakip na niini ang share ni ABS-CBN chairman Eugenio Lopez III. Si Henry Sy sa SM group maoy nag-una sa listahan samtang si John Gokongwei Jr. sa JG Summit diin mahisakop ang Robinson malls anaa sa ikalima nga pwesto ug si Jaime Zobel de Ayala sa Ayala Corporation maoy ika-unom.
Ang top 10 mao ni
1. Henry Sy (SM group) - $12 billion
2. Lucio Tan (LT group) - $7.5 billion
3. Andrew Tan (Megaworld) - $4.6 billion
4. Enrique Razon (ICTSI) - $4.5 billion
5. John Gokongwei Jr. (JG Summit) - $3.4 billion
6. Jaime Zobel de Ayala (Ayala Corp.) - $3.1 billion
7. Aboitiz family (AEV) - $3 billion
8. David Consunji (DMCI) - $2.7 billion
9. George Ty (Metrobank) - $2.6 billion
10. Lucio & Susan Co (Puregold) - $1.9 billion
- Latest
