Maricel excited na sa trabaho

Sinimulan na ni Direk Wenn Deramas last Friday, July 26, ang shooting ng Metro Manila Film Festival o MMFF entry ng Viva Films at Star Cinema na Girl Boy Bakla Tomboy kahit wala pa si Vice Ganda. Mga eksena muna ni Maricel Soriano at ibang cast ang kinunan.

   Star-studded ang cast ng movie dahil bukod kina Maricel at Vice Ganda, kasama rin si Joey Marquez as Maricel’s husband at ama ng apat na karakter ni Vice Ganda. Nasulat na naming dito na kasama sa cast ng movie sina Cristine Reyes at KC Concepcion at pati rin pala sina Angelu de Leon at Bobby Andrews. Hindi pa lang namin alam kung ano ang respective roles nila.

   Si Maricel ang pinaka-excited sa cast ng Girl Boy Bakla Tomboy dahil she will be working with good friend Direk Wenn. Nag-swak ang ugali ng dalawa kaya BFF na sila at feeling ni Maricel ay big blessing sa kanya si Direk Wenn. Kung ganitong positive ang aura sa shooting, tiyak na masaya ang pelikula!

Kevin Santos ilulunsad na

Siguradong marami ang matutuwa para kay Kevin Santos sa nabalitaan naming after My Husband’s Lover ay ilo-launch na siya ng GMA Network, Inc. Bibigyan na siya ng lead role sa kanilang Afternoon Prime time slot dahil ipinakitang kaya niya at magaling siya.

   Hindi namin alam kung alam na ito ni Kevin at ng manager niyang si Joe Barrameda at kung hindi pa at nag-spoiler kami, sorry naman, masaya lang kami para kay Kevin. Nagbunga rin ang pagtitiyaga ni Kevin at ang kawalang takot tumanggap ng gay role, kung saan, mahusay pala siya.

   Magaling na siya sa mga naunang gay roles na ginampanan niya pero sa My Husband’s Lover siya mas nag-shine. Bilang si Danny, marami ang naghihintay ng mga eksena niya dahil alam nilang matatawa at matutuwa sila.

Bianca ipinagmamalaki ang behind

Ang sexy ni Bianca King sa presscon ng YES! 100 Most Beautiful Stars 2013 at sa fit niyang damit, kitang-kita ang ipinagmama­laki niyang asset, ang kanyang behind. Nang tanungin ang dalaga kung ano ang kanyang asset at nang sumagot, wala pa sa event ang ex-boyfriend nitong si Dennis Trillo.

Obvious namang after their break-up, wala pa sila sa “friendship” status dahil hindi nakuhang magbatian at mas naunang umalis sa venue­ si Bianca.

Pero nakita siya ni Den­nis nang umalis hanggang paglabas ng pintuan ng function room ng venue.

Sayang nga at wala sa okasyon si Rafael Rosell, best friend ni Dennis at leading man ng aktres sa Maghihintay Pa Rin. Malay natin at naging daan si Rafael para magbatian man lang ang dating lovers.