Hugyaw nga Domingo mga SweetKabutanding! Nagkita na usab kami ni Chef Marc Cuizon para sa usa ka hugna sa BuenaMano Balita. Ug kay Food Trip ta Bai!, siyempre gibida namo ang usa ka lamian nga putahe nga “Pesang Isda in Buko Sinigang sa Miso†nga pagkalamia naman lang gyud!
Didto mi nag-live sa dPond Cebu Fishing Ground and Families sa Liloan, Cebu kay pagkahuman sa maong episode gisugdan nila ang “ 4 Days Good Deed Give Joy One For One Rock Cebu.†Ang Chef Marc Group of Charity kauban ang Cebu Models Society Group nga ang ilang partner mao ang U.S based TOMS shoes ug ang dPond Cebu Fishing Ground and Families sa makausa pa ilang gipadayon ang maayong buhat pinaagi sa Nutritional Feeding program ug ang TOMS shoes giving sa mga dili kaayo bulahan nga mga bata sa Kawayanan, Yati, Liloan. Usa ka hapon nga puno sa gugma mao ang mga chikiting with a smile nga nanguli sa ilang mga pinuy-anan.
Pagkasunod adlaw nitikang usab sila sa Danao, Cebu pero aning higayuna kay nikuyog gyud ang akong gwapa nga assistant nga si Jayver Gika a.k.a Angelica kay gusto pud niya ipaambit ang iyang oras nga mutabang sa grupo ni Chef Marc. Ang feeding program ug shoes giving gipahigayon sa Nicolas U. Tiongko Memorial National School Danasan, Cebu. Medyo layo layo ang maong lugar pero wala kini nila panumbalinga para mahatod ang mga sapatos. Gitabangan sila sa school principal nga si Mr. Josef Plenos ug sa tabang sa kagamhanan sa Danao City pinaagi ni Mr Ricky Alvaro. Tungod kay layo ang maong lugar best in overnight sila sa Danasan Eco Adventure. Mao diay si Angelica murag nag bakasyon grande kay bitbit kaayo og mga sapot pang ligo ug katulog.
Dili nako imadyin nagsugod ang ilang maayong buhat Biyernes, Sabado, pagka Domingo naa pa’y usa ka lugar ang ilang bisitahon, wala na sila nilayo pa. Ilang gihatagan og kalipay ang 100 malnourished children sa Alumnos, Mambaling Cebu City pinaagi sa pagpakaon ug pagpanghatag og mga sapatos. Pagkahuman nitikang sila sa Missionaries of Charity Home for the Malnourished and Abandon Children sa Pasil Cebu City. Sigon pa ni Chef Marc sa inyong Yur’s truly “ welcome ang mga new volunteers para sa aming mga projects dahil ang bawat hakbang sa amin ay hakbang para sa bagong pag-asa at pag-aaruga, at kailangan namin ang inyong suporta.†Busa para sa mga interesado nga mga samaritan nga walay oras pero ganahan motabang sa laing pamaagi pwede ninyo matawagan: 0999-30-92151 (Robert Andrade Veloria); 0916-44-55550 (Chef Mark F. Cuizon , Penthouse 4 LBY Suite, 2568 Madre Perla Street Vito Cruz Extension, Makati, Manila, 1009, Chefmarc@group.facebook. com); Chef Marc Cebu Models Society and Volunteers’ Vice President Ms. Scarlett Dumanglas (0927 – 5642830)
Salamat sa mga nitabang sa maong proyekto: GMA7 Buena Mano Balita, Tita Cora Apurado, Golden Prince Hotel Cebu.
Be Blessed and be a blessing to others!