100 Most Beautiful Stars Kathryn ug Julia maoy nag-una

CEBU, Philippines - Sila si Julia Montes ug Kathryn Bernardo maoy nag-una sa listahan sa 100 Most Beautiful Stars 2013 sa Yes Magazine ug pormal kini gipahibalo  atol sa press launch kagahapon sa hapon. Nasulod usab sa listahan ang  "My Husband's Lover" lead stars  Dennis Trillo ug Tom Rodriguez nga gikagubtan pag-ayo sa  mga tawo. Nalakip usab sila si Daniel Padilla, Jake Cuenca, Joseph Marco, Rocco Nacino, Glaiza De Castro, Bianca King, Rochelle Pangilinan, Martin Escudero, LJ Reyes, Bela Padilla, Jerome Ponce, Janella Salvador, Michelle Vito, Andrea Torres, Pancho Magno, Vin Abrenica, Sophie Albert, Jeric Gonzales, Thea Tolentino, Max Collins Tirso Cruz III ug uban pa.

Samtang puwerting  lipaya sa child star nga si Ryzza Mae Dizon gumikan sa pagkalakip sa iyang pangalan  sa Most Beautiful Stars 2013 busa nitambong gyud siya sa maong kalihukan kagahapon.

Kahinumduman nga sa nangagi nga mga katuigan, nag-una sa listahan  sila si Anne Curtis ,Kim Chiu, ug  Marian Rivera. Samtang si  John Lloyd Cruz maoy bugtong lalaki nga nakahupot sa unang puwesto sa maong klase nga titulo. Ang mga  kumpletong pangalan nga nasulod sa 100 Most Beautiful Stars 2013 mabasa sa special edition sa Yes Magazine sa buwan sa Agosto.