CEBU, Philippines - Nakig-jam sila si Presidente Noynoy Aquino ug DILG Secretary Mar Roxas sa concert ni Dionne Warwick sa Araneta Coliseum sa miaging gabii. Ang maong American legendary singer maoy nagpasikat sa awit nga “That's What Friends Are For". Puwerting lingawa sa presidente gumikan kay nasuheto man siya sa mga awit ni Dionne.
Tigtiwas sa pagkaon
Suma pa ni Kim Chiu nga sweet kaayo si Xian Lim gumikan kay mao kini ang tigtiwas og kaon kung dili siya kahurot sa sobra niya nga pagkaon sa set sa pelikula nila nga Bakit Hindi Ka Crush Ng Crush Mo? sa Star Cinema.
Maglisod og balik sa showbiz
Ganahan mobalik si Hero Angeles sa showbiz apan wala pa siya’y masudlan nga mga programa sa telebisyon gumikan kay nagbaha karong panahona ang mga bag-ong artista.
Buko sa Juan dela Cruz
Nalipay pag-ayo ang singer nga si Jireh Lim gumikan nasulod ang kanta niya nga Buko sa Official Soundtrack- Volume 2 sa seryeng Juan dela Cruz. Nasulod usab ang mga awit nga Maghintay Ka Lamang ni Roel Manlangit, Sana’y Kapiling Ka ni Angeline Quinto, ug Kaibigan Lang Pala ni Liezel Garcia.