`SEEN: Si Sarangani Vice GoÂvernor Jinkee Pacquiao sa Greenbelt Mall noong Martes ng gabi. Nag-shopping sa Louis Vuitton store si Jinkee na napagkamalan na buntis dahil sa kanyang suot na damit.
SCENE: Puspusan ang pagpapapayat ng magpinsan na Sid Lucero at Geoff Eigenmann dahil matataba pa rin sila. Hirap si Geoff sa pagbabawas ng timbang.
SEEN: Sina Gerald Anderson, Ogie Alcasid, at Dra. Vicki Belo ang ilan sa mga celebrity na nanood ng basketball clinic ni LeBron James sa Mall of Asia Arena noong Martes.
SCENE: Nakasalalay sa fans nina Xian Lim at Kim Chiu ang box office success ng Bakit Hindi ka Crush ng Crush Mo? Ipalalabas sa mga sinehan sa July 31 ang unang movie team up nina Xian at Kim.
SEEN: Pipirma bukas ng kontrata sa Viva Artists Agency ang magkapatid na Andre at Kobe Paras.
SCENE : Naulanan si Sharon Cuneta sa unang araw ng taping ng kanyang tawa-serye sa TV5 noong Martes. Masakit kahapon ang lalamunan ni Sharon dahil sa ulan.
SEEN: Ang report ng MOA management na 11,854 ang eksaktong bilang ng fans na sumugod sa Arena noong Martes upang personal na makita si LeBron James.
SCENE: Balik-GMA 7 ang Miss World Philippines 2013. Ang TV5 ang media partner ng Miss World Philippines noong 2012.