Aiai malungkot na bumalik ng Pilipinas

Balik Pilipinas si AiAi Delas Alas.

Dumating kahapon si AiAi mula sa  month-long vacation niya sa Amerika.

Malungkot si  AiAi  sa kanyang pag-uwi dahil naiwan sa US ang kanyang mga anak na sina Sancho, Nicolo, at Sophia.

Nag-aaral sa Amerika sina Nicolo at Sophia. Sumunod sa kanila si Sancho na hahanapin ang kapalaran sa US dahil may pinagdaraanan yata ang kanyang lovelife. Like mother, like son!

Sa totoo lang, kahit single parent si AiAi, napalaki niya nang maayos ang kanyang mga anak. Luma­king mababait at responsible ang mga bagets na mag-isang itinaguyod ng Comedy Concert Queen.

Baka makipag-meeting si AiAi sa linggong ito sa isang movie producer.

Interested ang movie produ na isali si AiAi sa big budgeted project na pinaplano niya.

Nagpakita ng interes si AiAi sa tempting offer ng movie produ. Wish ko lang, matuloy ang project dahil milyun-milyong tao ang muling mapapaligaya ni AiAi at ng movie producer. 

Bagong hairstyle ni Kris magpi-premiere sa SONA

Always present si Kris Aquino sa SONA ng kanyang kapatid.

Nagpagupit ng buhok si Kris pero hindi pa ito nagpapakita sa publiko mula nang magpalit siya ng hairstyle. Kung dadalo ngayon si Kris sa SONA, masisilayan na ng madlang-bayan ang kanyang new look.

Kumbaga sa pelikula, ngayon ang premiere ng new hairdo ni Kris.

QC walang pasok

Walang pasok ngayon sa Quezon City dahil sa State of the Nation Address ni P-Noy.

Affected ako ng traffic rerouting dahil sa SONA na magaganap sa Batasang Pambansa na araw-araw na nadaraanan ko kapag umuuwi ako ng bahay.

Nagsimula pa noong Sabado ang traffic rerouting sa Commonwealth Ave­nue at napansin ko ito habang papunta ako sa studio ng Startalk sa GMA 7.

Tiniyak ng police authorities na hindi makaka-penetrate ang mga rallyist sa Batasang Pambansa para hindi sila makapanggulo sa SONA ni P-Noy.

Goma inaabangan ang pagrampa kasama si Lucy

Makahabol kaya si Richard Gomez sa SONA?  May show si Richard sa London at kapag hindi siya nakabalik agad sa Pilipinas, solong rarampa sa SONA ang kanyang misis na si Lucy Torres, ang house representative ng Ormoc City.

Mula nang maging congresswoman si Lucy, inaabangan ang pagrampa nila ni Richard sa red carpet ng SONA at madalas na kasali sila sa listahan ng best dressed.

Binoy… isinabay sa SONA

May reminder ang GMA 7, ngayon ang premiere telecast ng Binoy Henyo.
Ang Binoy Henyo ang newest early primetime show ng Kapuso Network.

Parang sinadya ng GMA 7 na isabay sa SONA ni P-Noy ang paglabas sa TV ni Binoy, ang karakter na ginagampanan ng childstar na si David Remo.
Bibung-bibo si David. Pang-showbiz ang bagets dahil marunong siya na umarte at komportableng-komportable sa harap ng kamera. I’m sure, aral siya sa kanyang ama, ang director na si Don Remo na siguradong masayang-masaya dahil gifted si David. Gifted as in gifted child ‘no!