“Babalikan Ko Kayo Cebu!’

SweetButanding nga Domingo kanatong tanan! Hugyaw nga Domingo na usab ang atong saw-an. Karung adlawa alas otso sa buntag ayaw kamo kalimot sa pagtutok sa Let’s Fiesta featuring Sangyaw Festival sa GMA7. Mas nahimo kining espesyal tungod ang inyong Yur’s truly kauban si Anna Maris “Anah Lang” Igpit dunay makalingaw nga segment sa Let’s Fiesta busa tutok na!

Tutok na tutok gyud ang mga Kapusong Cebuano sa bag-o lang nahuman nga Marian Rivera Fans Day sa Gaisano Fiesta Mall Tabunok, kaming sakop sa ETV Cebu Forces mas gidoble namo ang among kusog kay kahibalo mi nga magdasok ang mga fans sa atong primetime queen.Tuod man, halos 6,000 ang mga gustong makakita sa labing sexy nga babaye sa Pilipinas. Ako mismo, diriyot nakuyapi sa pag-set up pa lang, maayo gani to the rescue ang white flower. Hahahahaha! Tanang angay andamun giandam na. Gisugdan namo sa usa ka bonggang production number, ang host sa maong fans day kay ang komedyanteng si Boobay nga nihalad pa og kanta. Mga paduwa nga makaHugyaw sama sa ka lookalike Marian Rivera, Ikid ala Marian ug Akting ala Marian. Pagka swerte naman lang gyud sa mga winners kay tagsa tagsa silang gipasaka sa stage ug gitagaan pa og dugang premyo. Ug usa ka palarang fan ang nakadaug kay usa ka bag nga memorabilia ang iyang bitbit. Unang kanta, halos di mi magdungog ni Gleven sa mga pakpak ug singgit sa mga fans. Sa ikaduhang kanta, halos mag-wild ang mga fans kay nangita na siya og Dingdong lookalike nga unsa ba oi gwapo sad kaayo ang napilian ni Marian, ang 19 years old nga gikan pa sa Minglanilla si Fahad Khamis Aljaberi. Pagkahayahay naman lang nimo dodong, imong nagakus, gikantahan paka ug may kiss pa. Pero ang usa ka lenggua ni Marian Rivera para sa iyang mga fans nga sa makadaghan niya gibalikbalik” babalikan ko kayo Cebu!” Init nga pagdawat ug gugma ang among isukli kanimo Marimar, Narda, Dyesabel, Angeline, Yes my lady boss!

Sa mga sana ug sano namo diha sa Tagbilaran City, Bohol sugata sa masipang pakpak ang cast sa “Maghihintay Pa Rin, “ nga silang Dion Ignacio, JC Tiuseco, Bianca King ug Rafael Rosell karung July 28, Domingo! Atangi usab sila sa kadalanan kay makigsaulog sila sa Sandugo Festival ug dili lang na, mas mokidlap ang kagabhiun sa atong Kapuso Night kay naa usab si Marian Rivera ug Dingdong Dantes! Hugyaw di ba? Kami ni Boobay ang maghost. Mas Hugyaw di ba?

Sa mga adik ug mga naka relate sama nako panukad na kamo ug markahi inyong kalendaryo karung Agosto 1, Huwebes, kay mobisita ang mga artista sa “My Husband’s Lover” nga silang Bettina Carlos, Kuh Ledesma, Tom Rodriguez, Dennis Trillo ug Carla Abellana. Mao kini ang ilang schedule: 3:00 pm - Gaisano Grand Mall Mactan 5:00 pm - SM City Cebu. Magkita kita ta mga Kapuso!