Miley kever kung tawagon siya og tomboy

CEBU, Philippines - Kever lang si Miley Cyrus sa  mga tawo nga nitawag kaniya og tomboy gumikan sa iyang mubo nga buhok ug ang importante nga komportable siya sa iyang hairstyle. Giklaro sa singer nga usa siya ka babaye , ug ganahan lang  gyud siya nga mubo ang iyang buhok gumikan kay nabagay man kini kaniya. Dili siya mainsulto kung dunay motawag kaniya og tomboy  gumikan kay alang kaniya,  dili dautan ang mahimong tomboy ug dako siya og respeto niini.  'Being a lesbian isn't a bad thing. So if you think I look a lesbian, I'm not offended. You can call me much worse'. I've been called much worse. Being a lesbian is a compliment more than what else they call me," matud pa ni Miley.

Anne Curtis

“This Girl Is On Fire” ang kantahon ni Anne Curtis sa opening production number sa Showtime karong udto. Suma pa niya sa iyang instagram post kagahapon sa hapon: The noise of the Philippines for Showtime’s opening number tomorrow. Are you ready? Oh Oh. Bawal  kumontra. Pero promise improving na talaga voice ko. One day it will no longer be the Noise of the Philippines.

TomDen

Human sa trending nga black shirt nga may tatak nga “I Got This From My Husband’s Lover,” karon pink na pud nga shirt ang gipauso sa bida niini nga si Dennis Trillo, kansang hulagway gi-upload sa iyang manager nga si Popoy Carativo kagahapon sa hapon. Sul-ob ni Dennis ang pink shirt diin ang likod adunay Eric love Vincent ug ang atubangan nawong nilang duha ni Tom Rodriquez ug may tatak nga “TomDen.”

Carla Abellana

Kung sa “My Husband’s Lover” magkaribal sila si Lally ug Eric sa gugma ni Vincent, sa tinuod nga kinabuhi, nagbonding sila si Carla Abellana ug Dennis Trillo didto sa Vietnam niining bag-o lamang. Ang duruha kauban si Michelle Madrigal maoy pinasidunggan dinapit sa usa ka television station didto nga nagsaulog sa ilang anibersaryo. Nasayran nga labihan ka sikat sa mga nahisgutan didto sa Vietnam sanglit gipasalida didto ang ilang mga teleserye. May mga grupo pa gani nga naghulagway kanila nga “superstars of the Philippines.”

Bettina Carlos

Perteng lipaya ni Bettina Carlos kagahapon sanglit gi-endorso ni Marian Rivera nga libre ang iyang negosyo nga “Baked Bites.” Gisorpresa ni Marian si Bettina pinaagi sa pagpadala og mga hulagway niya nga naggunit og logo sa “Baked Bites.” Suma pa ni Bettina siya na maoy labing swerte nga panadera gumikan kay ang ilang endorser, walay lain kundili ang labing sexy nga si Marian. Ang duruha nagkauban kaniadto sa “Temptation of Wife,” diin si Marian mao si Angeline/Chantal ug si Bettina si  Tiya Madel.

Enchong Dee

Nag-upload og hulagway nila ni Eugene Domingo si Enchong Dee kagahapon sa iyang instagram account. Kataw-anan kaayo ang caption niini gumikan kay nagkomedya ug nahisgot kini kabahin sa utot.  Suma pa sa dialogue nga giulohan ni Enchong og “Kwentong-Enchong o KwenChong” nangutot matud pa si Eugene ug siya, pero baho ang sa aktres, hinungdan nga ingon niini ang ilang katawa. Pero atik ra ang tanan.