CEBU, Philippines - Giangkon ni Phillip Salvador nga duna’y mga proyekto nga gitanyag kaniya apan iyahang gipangbalibaran gumikan kay gihulagway niya kini nga wala’y challenge.
Nagbalik o wala?
Nakit-an na pud sila si Cristine Reyes ug Dennis Trilo nga nag-uban sa pagpanuroy sa miaging adlaw. Apan una na nga gitataw sa duha nga wala sila nagbalik.
Charice nagpasalamat sa iyang ‘haters’
Nagpasalamat si Charice sa iyang 'haters' niadto apan nidapig na niya karong panahona human siya niangkon sa iyang pagka-tomboy. Suma pa ni Charice nga kanunay siya gisaway niadto gumikan kay wala dayon siya niangkon sa iyang pagkatawo, apan sa dihang nisulti na siya sa kamatouran, nausab ang dagan sa hangin ug nakasabot dayon kaniya ang pipila niya ka haters.
Tinud-anay nga gugma
Magsaulog na si Sarah Geronimo sa iyang 25th birthday karong July 25 ug usa sa iyang birthday wish nga kung makabaton na siya og lovelife puhon, kinahanglan nga tinud-anay na gyud kini ug dili na siya masakitan. Si Gerald Anderson maoy katapusang aktor nga nalambigit sa kasing-kasing ni Sarah.
Ronie maghubo na
Andam na maghubo ang singer nga si Ronie Liang atubangan sa kamera ug mahitabo kini sa umaabot niya nga pelikula nga dili pa niya buot isulti ang titulo.
Suma pa ni Ronie nga gawas sa iyang pagka-singer, panahon na usab nga mailhan siya publiko isip aktor.
Matud pa niya nga kinahanglan na siya nga mag-workout aron dili siya mauwawan sa mga init nga eksena sa umaabot niya nga pelikula.
Nasayran nga duha ka tuig na nga namingaw ang career ni Ronie apan mabanhaw na kini pagbalik pinaagi sa paningkamot sa bag-ong naghupot sa iyang career, ang, Viva Artists Agency.
Gawas sa pelikula, busy usab karon ang singer sa pag-promote sa iyang 2nd album nga Ronnie Liang: May Minamahal.
Gitataw ni Ronie nga bisan busy na siya karong panahona, mogahin gihapon siya og oras sa pagbisita sa tulo ka tuig na niya nga uyab nga tua nagbase sa New York.
Vice molantaw og MHL
Kanunay diay molantaw si Vice Ganda sa serye sa GMA-7 nga My Husband’s Lover. Ni-tweet si Vice sa miaging gabii nga matud pa nga nahugyaw siya sa mga eksena niini.
Maricel magsagunson ang trabaho
Ipasalida na karong September ang pelikulang Oh My Mamma Mia sa Viva Films nga pagabidahan nila ni Maricel Soriano, Eugene Domingo, Andi Eigenmann ug Billy Crawford. Magsagunson ang trabaho ni Maricel gumikan kay human sa maong pelikula, sugdan dayon niya ang Girl, Boy, Bakla, Tomboy kung diin makauban niya si Vice Ganda nga entry usab sa umaabot nga Metro Manila Film Festival 2013.
Hangyo
Nihangyo ngadto sa TV5 management ang mga loyalista sa programang Face to Face nga dili unta dayunon ang pagtsugi niini sa kahanginan. Gisayangan sila nga mawala ang maong show nga pila na ka tuig nga gidala ni Amy Perez.
Anne mibalik na
Nahibalik na sa Pilipinas si Anne Curtis ug ang mga kaubanan niya sa usa ka pictorial sa Brazil. Giingong daghan ang nabiyaan sa aktres nga mga kalihukan niya dinhi sa nasud gumikan sa maong pictorial.
Naglikay sa intriga
Gipadayag ni Karylle nga dili tanang detalye sa iyang lovelife ang iyahang ipahibalo sa publiko aron malikay sa intriga ang relasyon nila sa Sponge Cola frontman nga si Yael Yuzon.
Ai-Ai mopatim-aw sa MMFF
Nagplano karon si Sen. Bong Revilla nga idugang si Ai-Ai de las Alas sa pelikula nila ni Toni Gonzaga sa Metro Manila Film Festival nga My Super Kap . Gituyo kini ni Bong aron mosamot kalig-on ang nahisgutang proyekto.
Gipananghiran
Ang president mismo sa Philpop Foundation nga si Ryan Cayabyab maoy nananghid sa ABS-CBN ug GMA-7 aron tugutan sila nga mahimong interpreter ang mga artista niini nga sila si Christian Bautista ug Karylle sa Philpop 2013 nga gi-produce sa TV 5. Malipayon si Ryan gumikan kay dali dayon nga nisugot ang maong mga istasyon nga ipahulam ang ilang mga artista.
Natural nga boobs
Giklaro ni Ritz Azul nga natural lang ang iyang boobs ug wala siya’y plano nga iyaha kining iparetoke. Nasayran nga nahugyaw ang nanan-aw sa FHM victory party human nilutaw ang cleavage sa aktres sa pagrampa niya sa entablado.
Komportable
Tsika pa ni Kristoffer Martin nga usa seguro ka maayong gasa kung makapares niya ang iyang uyab nga si Joyce Ching sa usa ka serye. Matud pa ni Kristoffer nga dili na siya mo-adjust og maayo gumikan kay komportable na sila sa usa’g-usa.
Cory Monteith sa Glee nakaplagang patay sa hotel
Nakaplagan na nga patay ang lawas sa Canadian actor ug bitoon sa Glee nga si Cory Monteith niadtong Sabado sa Fairmont Pacific Rim Hotel sa Vancouver, Canada.
Padayon karon nga giimbestigar sa kapolisan ang kamatayon sa aktor,apan sa pasiuna nila nga imbestigasyon, wala sila’y nakita nga senyales sa foul play.
"At this point, we do not have a great deal of information as to cause of death except to reiterate-- that there are no indications of foul play," tipik sa statement sa kapolisan sa maong dapit.
Giingong nisulod ang aktor sa maong Hotel niadtong July 6 ug gikatakda na siya nga mo-check out niadtong Sabado.
Gi-review sa mga polis ang hotel security video ug nakita nga duna’y mga kuyog ang aktor sa pag-panglakaw sa miaging gabii apan nag-inusara na kini nga niuli sa iyang room pagkabuntag.
Si Cory Allan Michael Monteith maoy boyfriend sa lead star sa "Glee" nga si Lea Michele. Gidala ni Cory ang karakter nga Finn Hudson sa nahisgutan nga TV series.
Paul ug Melissa kumpirmadong nagbuwag
Gikumpirmar sa Sugbuanon nga kanhi “Pinoy Big Brother†housemate nga si Paul Jake Castillo ang istorya nga nagbuwag na sila ni Melissa Ricks.
Matud pa ni Paul nga malinawon ang ilang panagbuwag ug gipabilin gihapon nilang duha ang panaghigalaay.
“Yes, we are perfectly fine. Yes, we are friends. There’s no bad breakup, no bad blood,†suma pa ni Paul sa interview niini sa The Buzz.
Dili pa andam ang aktor nga makabaton og bag-ong uyab ug mo-focus na lang siya sa iyang negosyo.
“Siguro wala muna. I’d rather concentrate on something else, business particularly,†dugang pa niya. Ang duha nagkauyab niadtong 2012 ug makadaghan na kahigayon nga nakasuroy si Melissa dinhi sa Cebu.