CEBU, Philippines - Ang hinimo sa hugyawnatic nga si Gerald James Perino maoy nataypan sa mga ka-FB sa Banat Hugyaw kung diin nakakuha sa kapin sa usa ka gatos nga likes.
Nigamit og bintana si Gerald isip usa sa iyang desinyo gumikan kay para kaniya,mao kini ang mobukas sa impormasyon aron masayod ang katawhan.
Moabot ngadto sa duha ka oras ug 15 minutos ang pagama niya niini gumikan kay iyaha gyud nga giseguro nga mahugyaw gyud ang makakita.
Nipili usab siya sa pink isip iyang background color gumikan kay bugnaw kini sa mata. Pito ka cover photos ang nagtigi alang niining maong duwa nga gipasiugdahan sa Banat Hugyaw.
Naandan na gyud niya ang pagbasa og Banat News gumikan kay daghan kini og unod ug dili usab niya sipyaton ang pagbasa sa mga balita sa showbiz aron ma-relax.
“Paborito nako ang Banat Hugyaw kay sila maoy naghatag permi nako og details kung unsa nay mga panghitabo sa mga artists in local ug foreign,†nagkanayon si Gerald.
Gihulagway niya kini nga “unique†gumikan kay duna kini komunikasyon sa mga readers ilabi na nga imantala pa gyud ang mga reactions niini sa nagkadaiyang kasikas sa showbiz world.
Nasayran nga ang Banat News Hugyaw mipauso sa Hugyawnatics Avenue kung diin moumol kini og pangutana ug saw-an dayon sa mga readers pinaagi sa pagpadala og mensahe ug imantala dayon dinhi sa kinaham ninyo nga mantalaan.
Ang 16- anyos nga si Gerald nagpuyo sa Dakit, Bogo City ug kasamtangang nagtungha sa Cebu Roosevelt Memorial College ubos sa kursong Bachelor of Science in Commerce Major in Business Management (2nd year).
Kining mao niyang design, nakaangkon og 108 likes human sa upat ka adlaw nga botasyon.
Bag-ohay lamang siya nakighigala sa Banat Hugyaw, pinaagi sa Facebook, atol sa botasyon alang sa My Favorite DJ Season 4.
Kining maong mugna ni Gerald magsilbi nga official cover photo sa Banat Hugyaw FB page sulod sa duha ka buwan. Human niana, ang mudaog sa sunod na pud nga panagtigi, maoy muhulip.