Vic Desucatan: Tingog likod sa “Just Give Me A Reason”

CEBU, Philippines - Alegre ang iyang mga kanta. Ang uban cover songs, apan aduna pud siya’y orihinal nga mga mugna. Siya si Vic Magbanua Desucatan aka “Victor or Isbo, lumad nga taga Greenvile Subdivision, San Carlos City Negros Occidental. Usa siya ka computer technician/ graphics artist/ /composer/producer. Siya ang dagway ug tingog luyo sa nagkasikat na nga bisaya version sa sikat nga kanta ni Pink, “Just Give Me a Reason.”

Trending ang maong kanta sa YouTube karon. Sukad kini na-upload sa milabay nga semana, daghan na ang nahugyaw gumikan kay makalingaw ang lyrics niini nga naghisgot sa iyang dili gwapo nga dagway nga hayan mao matud pay rason nganong wala siya sugta sa iyang gipanguyaban. Sa milabay nga Sabado, gihimuan og artikulo sa sikat kaayo nga showbiz portal, ang www.pep.ph ang kabahin sa maong trending video ni Vic.

Apan luyo sa makalingaw niyang mga kanta, ilabi na cover songs, nagpahipi ang emosyonal niyang pag-angkon sa tinuod rason nganong ingon niini ang istilo sa iyang mga mugna: Tungod sa akong mama nga gibiyaan ko sa ga-edad pa ko’g 1 year old. Akong gihimo ning mga video basi pa diay makit-an niya ang akong video mahunahunaan ko niya ug magpakita siya nako.  Nag-edad na lang ko’g 28 years old karon mga 27 years old (na ang milabay)  wa naku nakita akong mama, ang ngalan “Isabel Magbanua “ A.k.a “Bebe” nga taga Iloilo. Pero wa ko kahibawo kung asa na sya.”

Suma pa ni Vic, October 2012 siya unang nagmugna og mga music video: Nagsugod ko atong himo naku’g video October 3, 2013.  Una nakong gihimo ang kanta nga “Tomas I Will Kill you,” in English  “Too Much Love Will Kill You.” Influences (nako) ang gahimo aning kantaha mismo, bali gi-collaboration raman ni namu ang kanta, siya himo kanta, then ako gi-perform sa video-- bali akoang gihimoa’g music video. Ang pangalan (sa naghimo sa kanta) Henjie Lamera, giila sa pangalan nga “DJ Madonna.”

Sanglit trending ang “Just Give Me A Reason Bisaya Version” gipangita sa Banat News Hugyaw (BNH) Si Vic pinaagi sa Facebook aron mahinabi. Ania ang uban pang kasayuran kabahin niya:

BNH: Pila na tanan ka kanta imong na-produce? Pila niini original ug pila man ang cover?

Vic: Akong kanta tanan na-produce bali mga 31 ka videos. Ang uban niini mga pasiaw nga video nga di kanta. Ang akong original nahimo nga kanta is “Just Give me A Reason Bisaya Version,” “Buko Bisaya Version,” Angels Cry Tagalog Version,“ ug “Nausab na Gyud ang Panahon.” Mga 28 ang covers nga videos. Ang ubang covers nga videos akong gibuhat susama sa gibuhat sa Moymoy Palaboy nga mag- atubang sa camera  ug magpasiaw gamit ang facial expression ug lip sync.

BNH: Sa mga cover songs unsay labing sikat o daghan og views? Unsa pud imong labing paborito nga cover song ug ngano man?

Vic: Sa mga covers nga song ang labing sikat nga kanta is ”Waka Waka Bisaya,”(viewers 1,444,464),

 â€œAng Bayot Rap Hi Tech”  (viewers 1, 321,856), “ Too Much Love Will Kill You,” (1, 120, 252) and “Price Tag Bisaya Version”  (viewers734, 637), ” ug  “Ang Just Give me a Reason Bisaya Version” ang paspas  ang viewers  six days pa nakakuha na og 423,047. Total viewers of my YouTube videos is 9,429,763, ang subscribers 4,715.

BNH: Unsay imong gihunahuna samtang gihimo nimo ang just give me a reason? Unsa ka dugay nimo gisuwat ang lyrics ug nganong comedy man ang tema?

Vic: Ang akong gihunahuna samtang gahimo ko sa kantang Just Give Me A Reason, gikwaan nako’g basis akong naagian sa una nga naa koy gipanguyaban nga babaye nga perti naku dugaya gisugot, hangtod na lang ni lakat siya sa layo. Gikwaan nako’g basi sa storya nga kung bati ka og nawong dugay jud diay sugton, pero kung gwapo dali kaayo sugton.Naay mga klase nga babaye nga gwapo ray permi naa sa hunahuna. Na compose nako ang kanta nga Just Give me A Reason. Usa ka adlaw ra samtang gabuhat ko sa lyrics nagsige ko’g katawa. Nahimuot ko.

 BNH: Unsa pay imong plano isip rapper/producer/artist? Unsay follow up nimo sa Just Give Me A Reason? Unsay kausaban o kabag- ohan nga imong naangkon sukad nag-trending ang imong version sa maong kanta ni Pink?

Vic:  Ang akong plano isip rapper nga soon magtukod ko’g recording studio, magdayon ko’g himo  himo’g kanta permi. Para nako the best ang kantang makalingaw para makatabang sad ko sa mga tawong magul-anon . Kung makakita sila sa akong video malingaw sila. Buhaton nako kutob sa akong mabuhat, basta mo-fucos lang ko’g himo’g kantang makalingaw. Ang sunod nako nga kanta mao ang “Gimme Gimme Bisaya Version,“  Scream and Shout Bisaya Version” by Will iam and Britney Spears ug daghan pa.