Mga bigatin tampok sa GRR

MANILA, Philippines - Tutok lang sa programang Gandang Ricky Reyes Todo Na Toh (GRR TNT) dahil ang tata­lakayi’y mga kakaiba at bigating bagay.

Mula sa kahirapan si Butch Jaime Legarda pero dahil sa kanyang sipag at tiyaga’y naging sikat o bigatin. Siya ang may-ari ng Victory Global at isa nang milyonaryo ngayon. May interbyu sa kanya si Mader Ricky ngayong Sabado.

Sanay na ang mga taong makita sa rampahan ang mga beki o bading bilang impersonators. Kina­gigiliwan sila kung santacruzan ng mga miyembro ng third sex at sa iba pang beauty pa­geant. Sa unang pagkakatao’y nakunan ng kame­ra ng GRR TNT ang contest na FATalbugan sa Cavite na ang mga magkakatunggali’y di paseksihan kundi palakihan ng baywang ang labanan.

Tampok din sa show ang mga kababaihang na­hihilig sa mga sinaunang kotse na kanilang ipi­na­­aayos at gina­gawang koleksyon. Abangan ang isang babaeng ang kinokolekta’y mga Volkswagen na sasakyan.

Lahat ng mga ito at marami pang iba sa GRR TNT na prodyus ng ScriptoVision at umeere sa GMA News TV alas-nuwebe hanggang alas-diyes tuwing Sabado ng umaga.